Саалтыр 147
147
1Айхаллаа, Иерусалим, Айыы Тойону!
Айхаллаа, Сион, Таҥараҕын!
2Кини эн олбуордарыҥ олуурдарын чиҥэтэр,
эйиэхэ баар оҕолоргор алгыһын биэрэр.
3Эн тиэргэҥҥэр или-эйэни чэчирэтэр,
эйигин бастыҥ сэлиэһинэй бурдугунан аһатар.
4Илдьит тылын сир устун ыытар;
Кини тыла түргэнник тарҕанар.
5Түүнү үргэҥнэтэрдии, Кини хаары түһэрэр,
күлү күдээритэрдии, кырыаны ыһар;
6толон тобураҕын таастыы тамныыр;
ким тулуйуоҕай Кини тоһуттар тымныытын?
7Кини этиэ эрэ кэрэх – тоҥ муус ууллар,
тыалын соруйуо кэрэх, уу устубутунан барар.
8Кини тылын-өһүн Иаковка иһитиннэрбитэ,
сокуоннарын, уураахтарын Израильга биллэрбитэ.
9Атын ханнык да норуокка ону биэрбэтэҕэ,
атыттар Кини уураахтарын билбэттэр.
Аллилуия.
Выбрано:
Саалтыр 147: СБК
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© Институт перевода Библии, 2008-2022