Матта 5
5
Иса дагъ устюнде адамларны огрете
1Бир кунь Иса, адамларнынъ чокълугъыны корип, дагънынъ тёпесине чыкъып отурды. Шегиртлери Онынъ янына кельдилер. 2Иса оларны огретип башлады:
Бахтлылар акъкъында
3 #
Лк 6.20-23
#Цеф 3.12– Не де бахтлыдыр, озюнде кучьлю руху олмайып, Аллагъа ишангъанлар. Кок Падишалыгъы оларнынъки!
4 #
Джем 7.3; Еш 61.2-3; 2 Кор 7.10; Сыр 21.4 Не де бахтлыдыр агълагъанлар. Олар теселли тападжакълар!
5 #
Збр 36.11; Икм 2.21 Не де бахтлыдыр ювашлар. Оларгъа ер юзю мирас оладжакъ!
6 #
Збр 41.2; Еш 55.1; Юх 7.37 Не де бахтлыдыр акъикъаткъа ач олгъан ве сувсагъанлар. Олар тояджакълар!
7 #
Икм 19.17; Лк 6.36 Не де бахтлыдыр мераметлилер. Оларгъа мерамет эйленеджек!
8 #
Збр 23.4; 50.12; 1 Юх 3.2; Еуд 12.14; Сыр 22.4 Не де бахтлыдыр саф юреклилер. Олар Алланы кореджеклер!
9 #
Юх 1.12; Рим 8.14; Якъ 3.18; 1 Юх 3.1; 5.1; 2 Тим 2.22 Не де бахтлыдыр барыштырыджылар. Олар Алланынъ огъуллары дениледжеклер!
10Не де бахтлыдыр акъикъат ичюн къувулгъанлар. Кок Падишалыгъы оларнынъки!
11 #
Якъ 1.2; 1 Пётр 4.14 Мен ичюн адамлар сизни къувгъанда-къаралагъанда, сиз акъкъынъызда яман яланлар айткъанда, бахтлы оладжакъсыз! 12#Фаал 5.41; Якъ 1.2; Рим 5.3; 2 Кор 12.10; Еуд 10.34Къуванынъыз ве шенъленинъиз! Коклерде сизинъ мукяфатынъыз буюктир! Сизден эвель яшагъан пейгъамберлер де шойле къувулгъан эдилер.
Туз ве ярыкъ
13 #
Мк 9.50; Лк 14.34-35 Сиз – дюньянынъ тузусынъыз. Амма туз тузлугъыны джойса, онынъ леззетини насыл къайтараджанъ? О артыкъ ич бир шейге ярамаз, оны кельген-кеткенлернинъ аякълары астына аталар!
14 #
Эф 5.8
Сиз – дюньянынъ нурусынъыз. Дагъ тёпесинде ерлешкен шеэр гизли оламаз. 15#Мк 4.21; Лк 8.16; 11.33Чыракъ якъкъанда, онынъ устюни савутнен къапатмайлар, аксине, оны шамдан устюне ерлештирелер, ве о, ярыгъыны эвдекилернинъ эписине бере. 16#1 Пётр 2.12; 2 Кор 9.13Ойле де, сизинъ нурунъыз инсанлар огюнде парылдасын, олар исе яхшы ишлеринъизни корип, Коклердеки Бабанъызны шуретлесинлер.
Къанун акъкъында
17 #
Рим 3.31; 10.4 Мени, Алланынъ Къануныны я да Пейгъамберлернинъ Языларыны ёкъ этмек ичюн кельди, деп тюшюнменъиз. Мен оларны ёкъ этмек ичюн дегиль, беджермек ичюн кельдим. 18#Лк 16.17Сизге айткъаным догърудыр: ернен кок джоюлмагъандже, Къанундан не бир уфакътан-уфакъ ариф, арифнинъ чызычыгъы биле ёкъ олмаз. Бу шейлернинъ эписи оладжакъ.
19 #
Мт 11.11; 18.4 Ким бу эмирлернинъ энъ уфагъыны бозып, башкъаларны да буны япмагъа огретсе, Кок Падишалыгъында эписинден кучюк оладжакъ. Лякин ким бу эмирлерни беджерип, башкъаларгъа огретсе, Кок Падишалыгъында буюк оладжакъ. 20#Юх 3.5Сизлерге шуны айтам: эгер сизлер фериселер ве Къанун оджаларындан инсафлы олмасанъыз, Кок Падишалыгъына кирип оламазсыз.
Ольдюрюв ве ачувланув акъкъында
21 #
Чыкъ 20.13
Баба-деделерге: «Адамнынъ джаныны алма!» ве «Ким адамны ольдюрсе, махкемеде къабаатлы сайыладжакъ», – денильгенини эшиттинъиз. 22#1 Юх 3.15Мен исе сизге айтам: ким агъа-къардашына кин тутса биле, махкемеде къабаатлы сайыладжакъ. Ким бирисине «къабакъ баш» десе, Юксек Шура огюнде къабаатлы сайыладжакъ. Ким бирисине «акъылсыз кяфир» десе, джеэннем атешине огърамагъа ляйыкъ оладжакъ. 23Бойледже, сен къурбан ерине бахшыш кетиргенде, анда къардашынънынъ санъа джаны агъыргъаны акъылынъа кельсе, 24бахшышынъны о ерде къалдыр ве барып, къардашынънен муаббетлеш. Бундан сонъ келип, бахшышынъны бер.
25 #
Икм 25.8; Лк 12.58-59 Эгер бириси сени къадыгъа джевап бермек ичюн алып кетсе, даванъызны даа вакъыт олгъанда, ёл бою чезинъиз. Ёкъса ракъибинъ сени къадыгъа, къады исе аписхане аскерине береджек. Сонъ сени зиндангъа ташларлар. 26Санъа догърусыны айтам: сонъки капигинъни бермегендже о ерден чыкъып оламазсынъ!
Ороспулыкъ акъкъында
27 #
Чыкъ 20.14
Сиз: «Аиле садыкълыгъыны бозма», – денильгенини эшиттинъиз. 28#Эюп 31.1; Икм 6.25Мен исе сизге айтам: ким бир къадынгъа бозукъ ниетнен бакъса биле, гонълюнде о къадыннен гуна ичине энди баткъан ве садыкълыгъыны бозгъан. 29Эгер онъ козюнъ сени ёлдан урса, оны чыкъарып ал да, озюнъден узакъча ташла. Бир къысмынъ гъайып олса да, бу сен ичюн бутюн беденинъ джеэннемге ташлангъанындан яхшыдыр. 30#Мт 18.8-9; Мк 9.43-44Эгер онъ къолунъ сени ёлдан урса, оны кесип, озюнъден узакъча ташла. Бир къысмынъ гъайып олса да, бу сен ичюн бутюн беденинъ джеэннемге огърагъанындан яхшыдыр.
Айрылышув акъкъында
31 #
Мт 19.9; Мк 10.11-12; Лк 16.18 #Текр 24.1-3Даа шойле айтылгъан: «Ким апайындан айырылса, онъа айрылышув кягъытыны берсин». 32#Рим 7.3; 1 Кор 7.10-11Лякин Мен сизге айтам: ким апайындан, аиле садыкълыгъы бозувындан башкъа себеп тапып, айырылса, онынъ апайы исе башкъасына акъайгъа чыкъса, о, апайыны аиле садыкълыгъыны бозув гунасына ёллай. Айырылгъан къадынгъа эвленген адам да шу гунагъа огърай.
33 #
Сай 30.3; Текр 23.21 Даа баба-деделерге: «Берген антынъны бозма. Раббинъ алдында ант эткенинъни ерине кетир», – денильгенини эшиттинъиз. 34#Еш 66.1; Фаал 7.49Лякин Мен сизге айтам: ич бир вакъыт ич бир шейнен ант этменъиз! Кокнен ант этме, чюнки о – Алланынъ тахтыдыр. 35#Збр 47.3; 98.5Ернен де ант этме, чюнки о – Алланынъ аякъ баскъан ери. Ерусалимнен де ант этме, чюнки о – Улу Падишанынъ шеэридир. 36Озь башынънен де ант этме, чюнки сен бир сачынъны биле беяз я да къара этип оламазсынъ. 37#Якъ 5.12Сенинъ айткъан сёзюнъ тек «эбет» ве «ёкъ» олсун. Эбет олса – эбет олсун, ёкъ олса – ёкъ олсун. Бундан башкъасы яман Шейтандан келе.
Ант этюв акъкъында
38 #
Лк 6.29-30
#Чыкъ 21.23-25; Лев 24.19-20; Текр 19.21Сиз: «Козь ичюн козь ве тиш ичюн тиш», – денильгенини эшиттинъиз. 39#Агъл 3.30; 1 Пётр 2.23; Рим 12.17; 1 Кор 6.7Мен исе сизге айтам: сизге япылгъан яманлыкъкъа къаршы яманлыкъ къайтарманъыз. Кимде-ким сенинъ сагъ янагъынъа урса, онъа сол янагъынъны къой. 40Ким де сени махкемеге чекип, тюп урбанъны тутып алмагъа истесе, онъа усть урбанъны да чыкъарып бер. 41Ким де, озюни озгъарып, сени бинъ адым кечмеге меджбур этсе, онен эки бинъ адым кеч.
42 #
Текр 15.7-8; Икм 21.26 Сенден сорагъангъа бер, сенден борджкъа алмакъ истегенден де юзь чевирме.
Душманларгъа севги акъкъында
43 #
Лк 6.27-28, 32-36 #Лев 19.18Сиз: «Якъынынъны сев ве душманынъдан нефретлен», – денильгенини эшиттинъиз. 44#Лк 23.34; Фаал 7.60; Рим 12.20; 1 Пётр 3.9; Рим 12.14Мен исе сизге айтам: душманларынъызны севинъиз эм сизни къувалагъанлар огъруна дувалар окъунъыз. 45#Эюп 25.3; Фаал 14.17Ана ондан сонъ Коклердеки Бабанъызнынъ огъуллары олурсынъыз. О, Озь кунешине эмир эте, ве кунеш эм яхшы адамлар, эм яман адамлар устюне догъа. Алла инсафлылар ве инсафсызлар устюне ягъмур ягъдыра. 46Эгер сиз тек сизни севген адамларны севсенъиз, Алладан мукяфат беклемек олурмы? Салым топлайыджылар да бойле этмейлерми? 47Эгер сиз тек дин къардашларынъызгъа селям берсенъиз, бунен буюк иш яптынъызмы? Аллагъа инанмагъанлар да бойле япмайлармы? 48#Лев 19.2; Текр 18.13; 32.4; Збр 17.31; Мт 19.21; Якъ 1.4; Эф 5.1; Кол 1.28Бойледже, Коктеки Бабанъыз киби, сиз де мукеммель олунъыз.
Выбрано:
Матта 5: CTB
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© Институт перевода Библии, 2016