Матта 4
4
Исаны Шейтан сынай
1 #
Мк 1.12-13; Лк 4.1-13 Сонъ Шейтаннынъ сынавындан кечмек ичюн, Рух Исаны сахрагъа алып барды. 2#Текр 9.9; 3 Пад 19.8; Мт 21.18Иса къыркъ кунь ве къыркъ гедже аштан вазгечип, пек ач олды. 3#1 Тар 21.1; 1 Тес 3.5Онынъ янына Сынавджы кельди де:
– Эгер Сен Алланынъ Огълу олсанъ, айтчы, бу ташлар отьмек олсунлар! – деди. 4#Текр 8.3Иса онъа джевап берип, шойле деди:
– Алланынъ Китабында бойле язылгъан: Яшамакъ ичюн адамгъа ялынъыз аш ашамакъ етерли дегиль, онъа Алланынъ агъзындан чыкъкъан эр сёз керек.
5 #
Нех 11.2; Еш 48.2; 52.1 Сонъ Шейтан Исаны Ерусалимге, мукъаддес шеэрге кетирди, Алланынъ Сарайы тёпесине къойып, 6#Збр 90.11-12; Юх 7.4бойле деди:
– Эгер Сен Алланынъ Огълу олсанъ, Озюнъни ашагъа ташлачы. Алланынъ Китабында язылгъан ки, О, Сенинъ акъкъынъда Озь мелеклерине эмир этер, ве олар Сени къолларында котерип кетерлер, аякъларынъ ташкъа сюрюнмез.
7 #
Текр 6.16
Иса онъа:
– Анда даа язылгъан: Раббинъни, сенинъ Алланъны сынама, – деди.
8Сонъ Шейтан Исаны пек юксек къая устюне чыкъартты. Дюньянынъ бутюн падишалыкъларыны ве оларнынъ шуретини Онъа косьтерип:
9– Эгер тиз чёкип, манъа ибадет этсенъ, Санъа буларнынъ эписини берерим, – деди. 10#Текр 6.13; Мт 16.23Иса исе деди:
– Козюмден ёкъ ол, Шейтан! Алланынъ Китабында бойле язылгъан: Раббинъе Алланъа белинъни бук, тек Онъа ибадет эт.
11 #
Лк 22.43
Бундан сонъ Шейтан Исадан кетти. Шу ань мелеклер келип, Онъа хызмет эттилер.
Иса адамларны огретмеге башлай
12 #
Мк 1.14-15; Лк 4.14-15 #Мт 14.3Иса Ягъянынъ апске алынгъаныны эшитип, Галилеягъа къайтып кельди. 13#Ехо 19.32-34; Мт 2.23; Мк 1.21Назарет шеэринден кетип, Зевулун ве Нафталий топракъларында, Галилея голю янындаки Къафарнаум шеэринде ерлешти. 14#Мт 1.23Бойледже, Ешая пейгъамбернинъ сёзю эда олунды:
15Эй, Зевулун топрагъы ве Нафталий топрагъы,
голь ёлунда, Иордан аркъасы!
Чокъ миллетнинъ юрту Галилея!
16 #
Еш 9.1-2
Къаранлыкъта яшагъан халкъ
буюк ярыкъ корьди!
Олюм топрагъында, олюм саесинде яшагъан адамлар ичюн
ярыкъ парылдады.
17О вакъыттан сонъ Иса:
– Тёвбе этинъиз! Кок Падишалыгъы якъын кельди, – деп, адамларгъа Алланынъ шейлерини огретип башлады.
Исанынъ биринджи шегиртлери
18 #
Мк 1.16-20; Лк 5.1-11 #Юх 1.40-42Галилея голю боюндан кечеяткъанда, Иса эки агъа-къардашны: Пётр деп адлангъан Симонны ве онынъ къардашы Андрейни корьди. Олар балыкъчы эди ве сувгъа сачмаларыны атып турмакъта эдилер. 19#Мт 13.47Иса оларгъа:
– Меним артымдан юрюнъиз. Сиз балыкъ дегиль де, инсан тутаджакъсынъыз, – деди.
20 #
Мт 19.27
Агъа-къардаш шу ань балыкъ сачмаларыны ташлап, Исанынъ пешинден кеттилер.
21Бираз юрген сонъ, Иса башкъа эки агъа-къардашны: Зебедайнынъ огълу Якъупны ве къардашы Юханны корьди. Олар бабасы Зебедайнен берабер къайыкъ ичинде балыкъ сачмаларыны тюзетмекте эдилер. Иса оларны да чагъырды. 22Олар шу ань къайыкъны ве бабасыны къалдырып, Исанынъ артындан кеттилер.
Иса огрете, пейгъамберлик япа ве тедавийлей
23 #
Лк 6.17-19
#Мк 1.39Иса бутюн Галилеяны айланып чыкъа башлады. Синагогаларда халкъны огретип, Алланынъ Падишалыгъы акъкъында хабер эте, адамларны тюрлю хасталыкълардан ве дертлерден тедавийлеп юре эди. 24#Лк 2.2Онынъ шурети бутюн Суриеге даркъалды. Исанынъ алдына тюрлю хасталыкъларнен ве агъыр дертлернен чекишип юргенлерни, джин ургъанларны, паралич ургъанларны ве тутарыкъ хасталарыны кетире эдилер. Иса оларнынъ эписини тедавийлей эди. 25#Мк 5.20; 7.31Онынъ артындан Галилея, Он Шеэр, Ерусалим, Еудие ве Иордан аркъасы тарафындан кельген чокъ адамлар юре эдилер.
Выбрано:
Матта 4: CTB
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© Институт перевода Библии, 2016