Известные библейские стихи из Geenesis 25

Поделиться

Pueyasoori saaja naa riucuaquiaari Rebecatej: —Quiaari querajaa queraatia pueyapue camarucuarano manajeya. Naacuatej, nojoriiri juhuacarijia quia jiniacuma miaquetoojiya nojori quia royaquishacarijia. Niquiriyatu nojorijinijinioori na cumaaca tojitiriquiano tarajanu. Naacuatej, jiyapueranuuri na nuhuajishana tojijia quiriquiano.

Jiyacari naa sequeree tarajanu Jacobri: —Sanajanaa, cucua quia jiyanoori. Quera cusoya cua miaajaanijia. Cuno naatuu quia sumatuujiniji quiria quia taquiri. Esauuri naacua jiyaniquishiya Edomtajuhuaj. Edomri sequeya naatuuca.

Rebecaari maja na naata muetunu quijia neyacara. Naacuatej neyaca Isaacri Pueyaso masequiaari neco Rebecaacuara. Pueyasoori Isaac masesano tojiquiaari. Naacuatej, Rebecaari manajeree.

Esauuri tarajanu sequeree: —Quiaacuajaari cua niquiya, janiyari quera cua miaajaa cusoyani. Naacuatej, cuno pa que jiyapueranu quiniu paniniuni, cunoori najuhuana quiria. Jacob tojishacari naa tarajanu Esauu sequesanotej, naa tarajanu sequereeri: —Sanajanaa, seetanujuanaa cua sequere. Quiarijiaja cua jiyatere juhua pa que jiyapueranu cua quiniuria quia niti. Jiyacaritij, tarajanu Jacob sequeree seetanujuanaari: —Quiarijiani, janiyari maja pa que jiyapueranuni. Quiaacuajaari quiarijia juhua pa que jiyapueranujua.

Na nuhuajijia muetamaajaariuhua tarajanu. Niquiquiojuata quiariquiaa tarajanu Esauu nojuaari. Nojuajaari cunora jiyaniquishaaree Jacob. Rebeca roosacari caapueyani, neyaca Isaacri jiyacari tariucua sesenta marijia shocotejonu quiriquiaa.

Isaacri neyanu Esauu panijia jiyanohua, na miaquejonuucua neyanu cuanitiananujiniji. Rebecaari saniniuunia neyanu Jacob panijiaaja.