Известные библейские стихи из Aloma 14

Поделиться

Ndaba Ukolongu waka Sapanga ngase guhusiana na kula na kunywa, ila kuhenga gajupala Sapanga na kuba nu lukwali nu kutogule kupete Loho jaka Sapanga. Joantumaki Kilisitu ngati hela anndengane Sapanga nu kujetakewa na bandu boti.

Ndaba ana tutama ndaba jaka Bambu, na ana tuwi tukuwa ndaba jaka Bambu. Henu ana tuendale kutama au anna tuwi, twepani twabandu baka Bambu.

Henu ana hela tuhenga muda woti majambu gagaleta lukwali na ga gutujangati kugangamalisana mioju katika kuhobale.

Henu tukotuka kutemuana, badala jaki mundu jwikuba kikobandoo sukunhabu mundu jongi au kuntenda juhabukya mu mahakau.

Ndaba maandiku gaka Sapanga gapwaga, “Nepani Sapanga napa kye kololo, kila mundu jwiimbegila magoti, na kila mundu jwiijetakia kupwaga nepani na Sapanga.” Henu, kila jumu witu jwiipia majambu gaki gajuhengiki palongi jaka Sapanga.

Munzopa kunyumba jii mundu jojubii nukuhobale kusoku, lakini mwiibisana naku kupete mawasu gaki mweni.

Weapa wanya mbaka ulenga kuntemu ntumisi wa mundu jongi? Ana jujemiki sapi mu mahengu gaki au ana juabwiki jwiimanya bambu waki, hena jwiijema nganganganga, ndaba Bambu Yesu juwesa kunzemeka.