Известные библейские стихи из رومية 12

Поделиться

وْما تشكّلو شي راسكُم حسب هَد الدنيا، وَلكن تبدّلو بْتَجْديد العقول ديالكُم باش تعرفو شنّي هي إرادة اللّٰه المزْيانة المرْضيّة الكاملة.

على ديك الشي، آ الخوت، كَنْطلبكُم بْسباب الرحْمة د اللّٰه تقدّمو الأجْساد ديالكُم فحال دبيحة حيّة مقدّسة مقْبولة عند اللّٰه، وْهَدي هي العبادة المعْقولة ديالكُم.

فرحو بالرجا، صبرو في الضيق، مداومين على الصلاة.

ما تخلّي شي الشَّرّ يغلبك. بالعكس، غلب على الشَّرّ بالخَير.

تحابّو مع بعضيّاتكُم بْمحبّة الخوت، مفضّلين بعضيّاتكُم بالكرامة.

المحبّة خصّاْ تكون بالصراحة. كرهو الشَّرّ، تبعو الخَير.

إدا يمكن، على قد القدر ديالكُم، عيشو في سلام مع الناس كاملين.

ما تـنْـتَقمو شي بْنَفسكُم، آ الحباب، وَلكن خلّيو العقاب في يَد اللّٰه، حيت مكْتوب: "ديالي الانْتقام، أنا غادي نجازي،" كيقول الرَّبّ.

خدمو بالمجْهود وْما تكسلو شي. كونو خدّامين الرَّبّ، حارّين في الروح.

حيت أنا كنقول بالنعْمة الّي اتّعطات لِلي نْكُل واحد فيكُم بلّي ما يخمّم شي في نفسو فوق الّي واجب عليه يخمّم، وَلكن يخمّم بالعقل على حسب القياس د الإيمان الّي اللّٰه فرّق على كُل واحد.

ما تردّو نْحتّى شي واحد الشَّرّ بالشَّرّ. حاولو تعملو الخَير قدّام الناس كاملين.

كونو في نفس واحدة مع بعطكُم. ما تتكبّرو شي وْتواضعو مع المتواضعين. ما تحسبو شي راسكُم حُكَماء.

وَلكن "إدا جاع العدو ديالك، وكّلوْ، وِادا عطش، شرّبوْ، حيت إدا عملْتِ هَد الشي كتجمع الجمر د العافية على راسو."

باركو الّي كَيْمرْمدوكُم، باركو وْما تلعنو شي. فرحو مع الّي كَيْفرحو وْبكيو مع الّي كَيْبكيو.

اشْتَركو مع القدّيسين في الاحْتياج ديالوم، زيدو ضيّفو البرّانيين.

حيت فحال ما عند كُل واحد منّا جسد واحد بْبزّاف د الأعْضاء، وَلكن ما عندوم شي نفس الدَّور، بْنفس الطريقة، واخّا حنايَ بزّاف بِنا، حنايَ جسد واحد في المسيح وْكاملين أعْضاء د بَعضيّاتنا.