Известные библейские стихи из मट्‌टि 19

Поделиться

येसुऎ आक्‍खाचि खाङ्‌से लोसुचि, “ग योम्‍पक् याॽमिबाङ् ग लिहिनि, टर निवाँहाङ्‌बाङ् चाइ चोब्‍न खानावाँ लिहि।”

मसॆ ह आक्‍खाचि हिप्‍पा हॆॽनॆहाचि टर एक्‍क सालुङ् लिःक्‍चि। मसॆ निवाँहाङ्ऎ टङ्‌मिम्‍पा याॽमिचि याॽमिऎ फाग्‍मा फॆन्‍नि।”

टर खोचि खानावाँ ऎम्‍पिसे लोसुचि, “माल् आन्‍नॆ निवाँनेन् साब्‍चिराबि माखाङ्‌टिटाम्‍नॆ? ‘निवाँहाङ्ऎ सिरिस्‍टिब्‍न आक्‍खाचि वाठाङ्‌पा नुङ् मेॽनुङ्‌मा मुसुचि।’ हाङ् निवाँहाङ्ऎ लोसुचि, ‘मसॆ वाठाङ्‌पाऎ टाङ्‌पाम् आपानुङ् आमा याइकुहाङ् टाङ्‌पाम् खिम्‍टाङ्‌मानुङ पेनुक्, हाङ् आक्‍खा हिप्‍पा एक्‍क सालुङ् लिःक्‍चि।’

टर येसुऎ आक्‍खाचि लोसुचि, “पिसाचि काङाबि डाप्‍मिटाम्‍चिनॆ, आक्‍खाचि आऎगाम्‍चिनॆ मान्‍ठाभनॆ पारुमि हाङ्‌डाम् गरहा याॽमिचिम्‍न।”

टर गरक्‍ल याॽल लिखुबाचि डॆङ्‌पि लिःक्‍मि हाङ् डॆङ्‌पि लिखुबाचि चाइ याॽल लिःक्‍मि।”

हाङ् आसॆ काम् लागि टाङ्‌पाम् खिम्, बुबुनानुसाचि, आपा आमा, पासाचि हाङ् बाखा याइडु, आक्‍कसॆ आक्‍खा खानावाँ एक्‍क खेपाबाङ् डिरिक् टक्‍चाकु हाङ् हानाम्‍स आसिखॆॽमॆ हिङ्‌खामा टक्‍चाकु।

येसुऎ आक्‍क याॽमि लोसु, “आना चाइबान निवाँहाङ्‌मि ङारिङ्‌पि काम्‍नुऎ लिमा यःक्‍ना हाङ्‌ग, खारॆ हाङ् आनानुङ् चुहा चोब्‍न चासुम् इन्‍चोऎ हाङ् आक्‍कबाङ् टामिम्‍पा याङ् माङ्‌स ऎचुखुबा याॽमिचि हाबिटॆचॆ। हाङ् डाबॆहाङ् काङा टिङ्‌ङॆ।”

खोसॆ आक्‍क याॽमि लोसु, “मान्‍ठा आनॆ काङा नुऎ खानावाँमि बारेबि सिम्‍ङानॆ? नुऎ ग एक्‍क टेःॽन चु। आनॆ हानाम्‍स आसिखॆॽमॆ हिङ्‌खामा टक्‍चामा मिन्‍ना हाङ्‌ग निवाँहाङ्‌मि यायेॽमा रक्‍न पाइटॆ।”

फेरि कॆ आन्‍ना लोकानि, चासुम्‍टाङ्‌पा याॽमि निवाँहाङ्‌मि हाङ्‌डाम् हङ्‌सि भॆम्‍माबाङ्‌ ग साःमिक्‍मि खि लेन्‍ठामबाङ् अन्‍युक लेन्‍मा हेकु।”

कॆ आन्‍ना लोकानि, ब्‍याबिचारा लॆःॽमिम्‍पा योम्‍पक्‍बाङ् बाहेका होइढा खानावाँबि आसॆ टाङ्‌पाम् खिम्‍टाङमा याइमानुङ् होइक भ्‍या लॆकु खोसॆ ब्‍याबिचारा लॆकु।”

हाङ् येसुऎ खोम् टिङ्‌खुबाचि लोसुचि, “चाइबान कॆ आन्‍ना लोकानि, चासुम्‍टाङ्‌पा याॽमि पारुमि हाङ्‌डाम् हङ्‌सि भॆन्‍मा सार लॆ।