Известные библейские стихи из सॆःक्‍ढुङ्‌पा 1

Поделиться

टर आन्‍ना सक्‍पि सॆङ्‌सॆङॆ लावा टा हाङ् आन्‍नॆ चॆक्‍मावा टक्‍चाकाम्‍नि हाङ् यारुसालेम हाटाबि, याहुडिया हाङ् सामारिया लोमॆ ठाल लॆसे चोब्‍न बाखाटेम्‍पि आन्‍नॆ काम् निङ् फुबकाम्‍नि।

येसुऎ आक्‍खाचि लोसुचि, “ग खानावाँ हानाम् लिऎ कामानुङ् लेमॆ योम्‍पक् आन्‍नामि हॆॽनॆ आक्‍क ग पारुबिऎ निवाँहाङ् आपामि निवाँमि ढुप्‍पाट्‌ट हङ्‌सिऎ खानावाँ रेटा।”

इॽया खो आक्‍खाचिनुङ् चामे सिसार खोसॆ आक्‍खाचि गर लोसुचि, “यारुसालेम याइमानुङ् आन्‍ना हाबिस आखारानॆ, टर पारुबिऎ काम आपॆ पिक्‍खानि कामानुङ् लोमिम्‍पा सॆङ्‌सॆङॆ लावा हुङाम्‍नॆ। इग याॽलन कॆ आन्‍ना लोःॽडानिहा खानावाँ खेम्‍डाम्‍नि। युहान्‍नाऎ ग आन्‍ना योवाऎ बाप्‍टिस्‍मा पिट्‌टानि, टर डॆङ्‌पि आन्‍नॆ सॆङ्‌सॆङॆ लावाबाङ् बाप्‍टिस्‍मा टक्‍चाकाम्‍नि।”

येसुऎ डुखा आङुहाङ् सिखारा, हाङ् रिपङ् डिनाढारि खो फेरि सिखेम्‍पाबाङ् हिङ्‌पका हाङ् हिङ्‌पॽमिम्‍पा खानावाँ खाङ्‌मिसि टिङ्‌खुबाचिबि हसहस खाङ्‌ङुसा, हाङ् निवाँहाङ्‌मि हाङ्‌डाम्‍मि बारेबि खोसॆ याॽमिचि खेम्‍मिटुचि।

आक्‍र कामानुङ् येसुऎ खोम् खानावाँ इसिटु हाङ् खो आक्‍खाचिऎ खाङ्‌भॆॽमारॽन नाम्‍फॽलिॽवा पोट्‌टि ठेट्‌टि खारा हाङ् खिन्‍दुमाबि आक्‍खाचिम् मिक्‍बाङ् माखारा।

आक्‍खाचिऎ खो नाम्‍फॽलिॽवा पोट्‌टि खॆॽमॆ पाइमिम्‍पा साँवाँऎर खाङ्‌मॆ पाइटुचि, मरॽलॽन बिइःमा चेः चाङ्‌मिम्‍पा हिप्‍पा निवाँखाटॆखुबाचि आक्‍खाचिम् कॆक्‍पि येबाचि। आक्‍रलॽन उम्‍चि कॆक्‍पि येॽमानुङ् खोचिऎ लोसाचु, “ओ गालिल ठालबिहा याॽमिचि, आन्‍नॆ मान्‍ठा नाम्‍फॽलिॽवा पोट्‌टि खाङ्‌काम्‍नॆ? मान्‍टहाङ् आन्‍नॆ येसु पारुबि खॆॽमिम्‍पा खाङाम्‍नि, गरहाङ्‌न इॽया खो ऎन्‍टा यो।”