Известные библейские стихи из NINGPAWT NINGHPANG 11

Поделиться

Shi gaw, “Yu mu, ndai ni yawng gaw amyu langai sha rai nna ga langai hpe sha shanhte shaga nga ma ai; ndai gaw shanhte nnan galaw hpang ai amu rai nga malu ai. Kade n na yang, shanhte ra sharawng hpa lam hpe mung shanhte galaw lu na mara ai! Anhte yu sa nna, shanhte a ga hpe shanut kau ya ga; shaloi shada da tsun hkat ai ga hpe shanhte n chye na mat na mara ai,” ngu nna tsun wu ai.

Shanhte gaw, “Lamu dep langchyi hte mare langai mi hpe anhte jawm galaw ga, shaloi anhte a matu amying gumhkawng shangun lu nna ga ntsa ting hta anhte n bra mat na ga ai,” ngu nna tsun ma ai.

Dai MADU gaw amyu masha ni a ga hpe shanut kau nna mungkan ga ting de shabra kau wu ai majaw, dai mare hpe Babelon ngu nna shamying mu ai.

Shawng e, mungkan ga ting na masha amyu ni hta tsun shaga ai ga langai sha nga ai rai nna dai ga hpe lang nga ma ai.

Dai hpang dai MADU gaw shinggyim masha ni galaw da sai mare hte langchyi hpe yu yu na nga, yu hkrat wa wu ai.

Dai rai nna dai MADU gaw shanhte hpe mungkan ga ting de shabra kau dat wu ai rai nna, mare de ai hpe shanhte jahkring kau ma ai.