Известные библейские стихи из 1 Peter 4

Поделиться

Megnunalleghpigaaguq una: piniqutepiiglusi qayughllak piniqellghem seghevutestaqii seghleghqellelghuteghllaget.

Tamaghhaghpesi allgeghutkaagusi tunusaneng atughqameng ilagpesinun. Allaaghhiinaat tunusat Kiyaghneghmeng pisi atuqaqiteki pinitun.

Tunusalget akuzimun akuzilit Kiyaghneghem akuzitanganeng. Tunusalget qepghhaatimun qepghhaatilit iknaqellelighluteng Kiyaghneghem tuunegkaaneng. Enkaam salleghpesigun tamaghhaakun Kiyaghneq usuqellengellequq Jesus Christ‑akun. Ellngan pikaak nighughqelleqlu aghtughyaghqaanghilleqlu quunperugllak kenlengunaan. Amen.

Naqamenraq ikfiqsaghqaakufsi Christian‑ngutegpesineng, kaynguyugpenasi iwernga usuqnakesi Kiyaghneq atiqangisi Christ‑am aatghaneng.

Sangwaa qamaglluni kenletghuusaghtughtuq. Tamaaken apalluqluku whateghlluwaaghuluki umyugasi, nuqenneghtulusi yughaghyaghqaalusi yughalleghqaghpesistun.

Piniqegkamni ilakumtaamni, quupkaghpenasi seghleliighrukutaaghllaget kaaskangisi nanghiighsaghaghnalusi. Nanghiighsaghallesi allakaayagunghitut. Itupill quyatek ilallghiisi Christ‑am ikfiqellghanun quyangaghllagesqellusi nighughqellgha aliightekan.

Upughanghulusi qikeghqufqaafsi.

Enkaangam tamaakut ikfiqelghiit apalluqluku Kiyaghneghem piyukellgha, elqughulluteng pillequt, neghyukulleqiitlu unguvasiteng ataasiighmelngughmun Ulimaghistemun.

Ikfiqegkaatanganeng Christ‑a yugusimikun elpesillu yataaghqitek ikfiqsaghqaalusi Christ‑atun, qayughllak kina alngunak yugusimikun ikfiqelghii seghleghqesugnaniimaaq. Enkaam whaken kenlekluku unguvalleghpesi tagtalngatun malighqutaqegpenasi yugusighpesi piyukellghanun, iwernga atuqiteggu Kiyaghneghem piyukellgha.

Seghlequuqangisi apalluqluku maligsaaghtengumalleghsi Christ‑amun, quyastellelguusi qayughllak Kiyaghneghem Taghneghakek nighughqengngalghiik kiyaghtengnguuk elpesini.