Известные библейские стихи из SURO-SURO 1

Поделиться

Tapi komi kana mantarima kuasa ane Nosa Nagasa nu Alatala mana'u ri ja'i komi. Pade komi kana mompatolele karebaku ka tau-tau ri ngata Yerusalem, pade ri pura-pura Bagia Yudea ante Bagia Samaria, sampe ri umba-umba ri dunia.”

Nesonomo Yesus, “Umaku mboto to nakuasa mompakatantu nepia etu majadi. Etu da'a miki ranjani komi.

Tempo I'a nasiromu ante ira, nitewaina ka ira, “Ne'e komi mompalasi ngata Yerusalem. Popea ntani ruru ri setu sampe Umaku Pue Alatala mompopana'u ka komi Nosa Nagasana to nijanjina, ewa to niuliku ka komi bopia. Toramo! Yohanes nombadiu tau ante ue ewa tandaina najeamo ira nggari silaka. Tapi riara bara sakuya mbengipa komi kana radiu ante Nosa Nagasa nu Alatala.”

sampe I'a neore mpaka ri suruga. Nitulisiku wo'u iwenu I'a nipandasa sampe namate pade iwenu I'a natuwu bali nggari kamatena. Naopu I'a natuwu bali, nadea ngganimo nipopokitana korona ka anaguru-anaguruna to nipelisina bopia, ala ranjani ira mpu'u-mpu'u I'a natuwu bali. Riara tempo patampulu mbengina ira nanggita I'a, pade I'a nompatuduki ka ira ewa Poparenta nu Alatala. Pade ante kuasa Nosa Nagasa I'a nombawai parentana ka anaguru-anaguruna.

Naopu Yesus notesa iwetu, nateonggotakamo I'a nggari ngayo ira mpaka ri suruga nikita nu mata ira mboto, pade kulimu nombabungu I'a nggari panggita ira.

Tempo ira danantingoa langi nanggita Yesus neore etu, sampegoli naria romba'a malaeka to nopakea naputi nenggore ri sinjori ira. Nangulimo malaeka etu, “Umba komi, to Galilea! Nokuya komi aga mpanggoremo ri setu nantingoa langi? Yesus to nikita komi neore nggari ngayo komi mpaka ri suruga pani'a kana marata bali ri dunia e'i nasimbayu ewa nikita komi pane'a.”