Известные библейские стихи из OKUVA E MISIRI 6

Поделиться

Kale tegeeza Abayisirayeli nti: ‘Nze Mukama ndibanunula ne mbawonya okubonyaabonyezebwa Abamisiri, n'okuba abaddu baabwe. Ndigolola omukono gwange ogw'amaanyi, ne mbonereza Abamisiri, ne mbanunula mmwe.

Ndibafuula mmwe abantu bange, era ndiba Katonda wammwe. Mulimanya nga Nze Mukama Katonda wammwe abaggye mu kubonyaabonyezebwa Abamisiri.

Ndibayingiza mu nsi, gye nalayira okuwa Aburahamu ne Yisaaka ne Yakobo. Ndigibawa mmwe ebe obutaka bwammwe. Nze Mukama.’ ” Musa n'agamba bw'atyo Abayisirayeli, kyokka ne batamukkiriza, kubanga baali baterebuse olw'okufugibwa n'okutuntuzibwa ng'abaddu.

Awo Mukama n'agamba Musa nti: “Kaakano onoolaba kye nnaakola kabaka, kubanga nja kumuwaliriza abaleke bagende. Ddala nja kumuwaliriza abagobe na bugobi mu nsi ye.”