Известные библейские стихи из OKUVA E MISIRI 5

Поделиться

Ebyo bwe byaggwa, Musa ne Arooni ne bagenda eri kabaka w'e Misiri, ne bagamba nti: “Mukama, Katonda wa Yisirayeli agamba nti: Leka abantu bange bagende bankolere embaga mu ddungu.”

Kubanga kasookedde nzija eri kabaka okwogera mu linnya lyo, abantu bo abayisizza bubi. Ate ggwe tolina ky'okozeewo okubawonya!”

Awo Musa n'adda eri Mukama n'agamba nti: “Ayi Mukama, lwaki oyisa obubi abantu bano? Lwaki wantuma?

Kabaka n'abuuza nti: “Mukama ye ani, ndyoke mmuwulire, ndeke Yisirayeli okugenda? Nze simanyi Mukama, era sijja kuleka Yisirayeli kugenda.”

Naye mubasalire bawezenga omuwendo gw'amatoffaali, nga gwe baabumbanga edda, muleme kugukendeezaako n'akatono, kubanga bagayaavu, kyebava basaba nti: ‘Tuleke tugende tuweeyo ebitambiro eri Katonda waffe.’ Abantu abo baweebwe emirimu egisingawo obukakali bagikole, baleme kuwuliriza bigambo bya bulimba.”