Известные библейские стихи из Римлянэнгэ 12

Поделиться

На дживэ́н адя́кэ, сыр адалэ́-векоскирэ мануша́ дживэ́на, нэ парувэн пэс, нэвякирэн тумари́ годы́, соб (кай) тумэ́нгэ тэ джинэ́н, со Дэвлэ́скири во́ля исын лачхи́, бидошэнгири и чачуны́.

Палдава́, пшала́лэ, мэ манга́ва тумэн Дэвлэ́скирэ тангипнаса, тэ отдэ́н пэс сарэ́са сыр свэ́нто джидо́ отдыибэ́н и саво́ трэй Дэвлэ́скэ ваш тумаро́ годьваро́ дынарибэ́н (служэние) Лэ́скэ годя́са и илэ́са.

Радынэ́нпэ дро тумари́ наде́я: явэ́н зоралэ́ (тварда) дро пиридживипэн; ўса́ды (сак) мангэ́нпэ Дэвлэ́скэ

На домэк, соб (кай) холы́ тэ лэл ло́фо (зор) пэ ту́тэ, нэ кокоро́ пиризорьякир холы́ лачхипна́са.

сыкавэ́н паты́в екх екхэ́скэ пшалытконэ патыва́са и тангинэн екх екхэ́с: кутякирэн (важынэн) екх екхэ́с

Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н

ко́ли дава́ сашты́ тумарэ́ рига́тыр, дживэ́н дро рама́нё (миро) сарэ́ манушэ́нца.

Мирэ́ мала́, на кэрэ́н нисаво́ чорипэ́н никонэ́скэ пал пэ́стэ, пша́ла мирэ́, фэды́р ячкирэн штэ́то ваш Дэвлэ́скири холы́; пал-дова́ со, сыр исын чхиндло́: “Ячкирэн дава́ Ма́нгэ, Мэ кэра́ва”, – ракирэ́ла Рай Дэвэ́л.

на явэ́н кирнэ́-масэ́нгирэ, хачон духо́са, ке́ли тумэ́ дынаринэна Дэвлэ́скэ.

Палдава́ мэ ракира́ва кажнонэ́скэ тумэ́ндыр: на думинэн пал пэ́стэ бутэды́р, сыр трэй тэ думинэс; нэ думинэн годьварэс пир тумаро́ патяибэ́н, саво́ Дэвэ́л дыя́ кажнонэ́скэ тумэ́ндыр.

на кэрэ́н чорипэ́н палэ пал холы́ никонэ́скэ, кэрэ́н лачхипэ́н сарэ́ манушэ́нгэ

Дживэ́н сыр мала́ (дру́ги) машки́р пэ́стэ; на пхутён, а явэ́н кандунэ; на думинэн пал пэ́стэ, со тумэ́ сан древа́н годьварэ́

И ко́ли тыро́ вэ́рго (врого) исын бокхало, чарав лэс; ко́ли ёв камэ́ла тэ пьел, дэ тэ пьел лэ́скэ; пал-дова́ со, ко́ли ту кэрэ́са адя́кэ, ту кэдэса лэ́скэ пэ шэро́ хачкирдэ́ вангара.

Бахтякирэн одолэ́ манушэ́н, савэ́ традэ́на тумэн; бахтякирэн, а на кошэн. Радынэ́нпэ кхэтанэ́ одолэ́ манушэ́нца, савэ́ радынэ́напэ, и ровэ́н кхэтанэ́ одолэ́ манушэ́нца, савэ́ ровэна.

помогинэн (подэн васт) Дэвлытконэ́ манушэ́нгэ, ке́ли лэ́ндэ исын трэ́бима, дыкхэ́н илэ́са пал одолэ́ манушэ́ндэ, савэ́ явэ́на кэ тумэ́.

Палдава́, сыр манушэ́стэ исын екх маса́ и бут паша́ дрэ лэ́стэ, нэ на сарэ́ паша́, со кэ екх, кэрэ́на дова́-паць; адя́кэ-паць и амэ сарэ́ кхэтанэ́ сам сы́рбы екх маса́ дрэ Христосо́стэ, а ко́ли амэ на сам кхэтанэ́, тэды амэ сам паша́ екх екхэ́скэ.