Известные библейские стихи из Destpêk 1

Поделиться

Xwedê got: “Em mirovan di sûretê xwe de çêkin ku bişibin me. Bila ew bibin serwerên masiyên avê, çivîkên ezmanan, heywanên kedî, hemû afirîdên bi erdê ve dişêlin û seranserê dinyayê.” Xwedê mirov di sûretê xwe de, di sûretê Xwedê de afirandin. Wî ew bi awayê nêr û mê afirandin.

Xwedê ew pîroz û bereket kirin û ji wan re got: “Zêde û berdar bin, erdê dagirin û bixin bin serweriya xwe. Bibin serwerên masiyên deryayan, çivîkên ezmanan û hemû afirîdên dişêlin.”

Di destpêkê de Xwedê erd û ezman afirandin.

Erd vikîvala û bêşikil bû. Tariyê kûrahî radipêça û Ruhê Xwedê li ser rûyê avê digeriya.

Xwedê got: “Bila ronahî çêbe.” Ronahî çêbû.

Xwedê her tiştê çêkiribû dît ku qenc e. Bû êvar û sibe, ev roja şeşan bû.

Xwedê dît ku ronahî qenc e û wî ronahî ji tariyê veqetand.

Piştre Xwedê got: “Ez hemû giya û şînahiyên li ser tevahiya rûyê erdê ên ku tov didin û hemû darên ku tovê wê di fêkiyê wê de ye, didim we. Wê ev ji we re bibin xwarin.

Xwedê navê ronahiyê “Roj” û navê tariyê “Şev” danî. Bû êvar û sibe, ev roja pêşî bû.

Xwedê got: “Bila di nava avê de qûbeyek çêbe ku avê ji hev veqetîne.”

Ji her tiştê ku hilma jiyanê pê re ye; hemû heywanên kovî, çivîkên ezmanan û afirîdên dişêlin, ez hemû şînahiyan ji bo xwarinê didim wan.” Wisa jî bû.

Xwedê got: “Bila di qûbeya ezmên de ronahî çêbin ku roj û şevê ji hev veqetînin û ji roj, demsal û salan re bibin nîşan.

Xwedê got: “Bila li erdê giya û şînahiyên bi dar û ber çêbin û li gorî cureyên xwe ber û fêkî bidin.” Wisa jî bû.

Xwedê qûbeyek çêkir û ava bin qûbeyê, ji ava ser wê veqetand. Wisa jî bû.

Li erdê giya û şînahiyên bi dar û ber çêbûn ku li gorî cureyên wan ber û fêkî didan. Xwedê dît ku ev qenc e.

Xwedê du ronahiyên mezin çêkirin: Ya mezin ji bo ku serweriyê li rojê bike, ya biçûk jî, ji bo ku serweriyê li şevê bike. Wî stêr jî çêkirin.

Xwedê got: “Bila ava di bin ezmanan de li derekê bicive û bejahî bê dîtin.” Wisa jî bû. Xwedê navê bejahiyê “Erd” û navê ava civiyayî “Derya” danî. Xwedê dît ku ev qenc e.

Xwedê ew pîroz û bereket kirin û got: “Zêde û berdar bin, ava deryayan dagirin. Bila çivîk li erdê zêde bin.”

Xwedê got: “Bila erd li gorî cureyên wan afirîdên jîndar, heywanên kedî, afirîdên bi erdê ve dişêlin û heywanên kovî derîne.” Wisa jî bû.

Xwedê got: “Bila av kerî bi kerî bi afirîdên jîndar tije be û bila li ser erdê, li qûbeya ezmên çivîk bifirin.”

Xwedê li gorî cureyên wan heywanên kovî, kedî û hemû afirîdên ku bi erdê ve dişêlin afirandin. Xwedê dît ku ev qenc e.