Известные библейские стихи из Аман өһө 22

Поделиться

Уол оҕону айанын аартыгар такайдахха, сорсуйан да баран, ол суолуттан туоруо суоҕа.

Айыы ТойонУ ытыктыыр көрсүө-сэмэй дьоҥҥо баай-дуол, үтүө аат-суол уонна уһун олох тосхойуо.

Үтүө аат-суол үлүскэн үптээҕэр ордук, дьон-сэргэ ытыктабыла көмүстээҕэр күндү.

Уордааҕы кытта бодоруһума, ыгымы кытта ыксалаһыма

Аччыктаабыты аһатар амарах киһи Айыы Таҥара алгыһын ылыаҕа.

Өйдөөх киһи алдьархай ааҥнаан эрэрин көрдөҕүнэ, саһар, оттон кэнэн – иннин хоту баран киирэн биэрэр.

Баай дьадаҥыга тойон, иэстээх иэс биэрээччигэ кулут.

Баай уонна дьадаҥы биир майгыннаһар өрүттээхтэр: хайаларын да Айыы Тойон айбыта.

Кыра-хара эрэ диэн дьадаҥыны халаама, куорат олбуорун айаҕар турар кыһалҕалааҕы атаҕастаама: Айыы Тойон, кинилэр муҥатыйалларын иһиттэҕинэ, былдьаан ылбыт буруйгар дууһаҕын былдьыаҕа.