Известные библейские стихи из Аман өһө 21

Поделиться

Көнө сүрэхтээх, үтүө санаалаах киһи уһун олоҕу олоруоҕа, көрдөөбүт кырдьыгын булуоҕа; кини үрдүк аата уһуоҕа.

Киһи сыралаһан байар-тайар; ким тиэтэйэр, ол дьадайар.

Ким тылын кыатанар, ол алдьархайтан харыстанар.

Санааҕар, көнө суолунан иһэҕин эрээри, сүрэххин Айыы Тойон тургутан көрөр.

Кыргыһыыга киирээри, аттарын бэлэмнииллэр, ол эрээри кыайыыны Айыы Тойон бэлэхтиир.

Айыы Тойон сиэрдээх быһыыны, көнө дьүүлү хайа да сиэртибэтээҕэр сөбүлээн ылынар.

Хайдахтаах да улуу муударас, өркөн өй, өйдөөх сүбэ-ама Айыы ТойонУ утарар күүһэ суох.

Дьадаҥы ытыырын истимээри, кулгааҕын саба туттар киһи кэлин бэйэтэ ытыа да, кинини ким да истиэ суоҕа.