Известные библейские стихи из Utandiko 32

Поделиться

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Muntu wilya ati, “Watiwaca, leka napita.” Lelo Yakobo avwanga ati, “Ntakukuta, mpaka utale umpolelele.”

Wasile wenga mbalama. Lyene umuntu umwi aiza ku kulwisyanya nawe usiku onsi mpaka kumacaca.

Yakobo avwanga ati, “Nalola Leza na manso ntontonto kwaula ukufwa.” Acino atemela cifulo cici izina ati Peniwele.

Lino umuntu wilya walola ukuti atakumucimvya, auma Yakobo mu lutungu, lufyutuka.

Muntu wilya amuuzya ati, “Uzye izina lyako weweni?” Nawe aasuka ati, “Nene Yakobo.”

Yakobo ati, “Nakupapata nena izina lyako, uzye weweni?” Nawe auzya ati, “Uzye pacani cino wanguzizya izina?” Lyene papo kwene apolelela Yakobo.

Luse lwako ni cumi cino walanga kunondi vitandinzile ne muzya wako. Pakwiza nalamvile Luzi lwa Yodani ni ntuwa itupu, lelo ndakai nawela na maumba yaili.

Acino kufika nu wanda wilelo aina Izlaeli yasyalya inyama yapali namfyumfyu wa lutungu, pano apali pano yumile Yakobo.

Yakobo apepa ati, “Leza wakwe kuku Abulaamu na Leza wakwe tata Isaki! Owe Mwene! Wemuno wanenyile uti, ‘Pita swilila ku mpanga yakumwinu nu ku aluko lwako, nani ndalenga kuti vintu vyonsi vikuzipile.’

Ntuule, napapata ukufuma ku maka ya mwinane Esau. Nuvwa intete zyakuti wiza tuzanza nu kutukoma swensi pyu, kumwi na anaci nu twana kwene.