Известные библейские стихи из KINAWANSAYAN 18

Поделиться

Nga' haro toi ot a' do TUHAN milo do wonsoyon? Do miagal di nokoboros ku di tiinu' tu' siam po tulan do mantad do baino' om gumuli' oku no kawagu do hiti. Om kianak nondod kusai i Sara do tontok diri,” ka dau.

Om koirak diri ot id suang do ginawo di Sara, om boros ka dau, “Molohing oku no om nokurimbit oku po tomod, om milo oku po tuu daa do monokidudun do kusai? Tu' ilo sawo ku nga' molohing no kadauu,” ka dau.

Sinakagon nopondo dau om osiliu do bansa' dit agayo om okoris, om iyau no o pawayaan ku do barakat do patahakon ku dot id toinsanan o bansa'd tulun do hiti'd pomogunan.

Om ongoi noddi i Abraham insomok do TUHAN om ponguhot no iyau dau do poingkaa, “Raagon nu no kopio i tulun dit aiso' o sala' do potonggoyon di tulun do kisala'? Ondung haro daa o limo nohopod o tulun dit aiso' o sala' dot id suang dilo bandar, om raagon nu po tuu daa o koinsanai dilo bandar? A' ko no kopio mangampun dilo bandar do mamasi daa di limo nohopod o tulun diri?

Om boros kaddi do TUHAN do suminimbar, “Ondung haro o toilaan ku do limo nohopod o tulun dit aiso' o sala' do hilo'd Sodom, om ompunan ku i' o koinsanai di hilo'd bandar dot i limo nohopod o tulun o kopongompunan ku,” ka dau.