Известные библейские стихи из Efesis 6

Поделиться

numi waasi dinan-kalin uyo ki, tinum kem iso dinan-nuubaalup kale, sinik mafak kiit albip so sinik mafak kalaak kafin diim komi mililanin kuguup umi magam kasel so alugum sinik mafak atin titil kup tebesip iso dinan-nuubup kale, ibo waasi dinan-kalin mufekmufek God iyo numi kupka-e-boma uyo alugum tii-nilipta, bagang-kale titil fagaa molan-temip uta, sinik mafak imi kamok imi bisop baga-em imdep yang tem tililan-tema uyo, tele utama-bom fagaa kwaalip une-buluta, bom-bilipta o ageta kale

Ipmi God imi aman duga-eman-temip uyo, ilami Sinik iyo dong daga-e-balata, kanumin kanumin beten weng uyo ku suun kup aman duga-emin kup ke-bom-nilip e, kup-kagamin ba kale, daal binim abu binim tiin ak binim tiin alop ke tiginin kup ke-bom-nilipta, ibo God iyo aman duga-e-bilipta, yagal ilami unang tinum alugum iyo dong daga-e-bom-nala e minte

numi waasi dinan-kalin uyo ki, tinum kem iso dinan-nuubaalup kale, sinik mafak kiit albip so sinik mafak kalaak kafin diim komi mililanin kuguup umi magam kasel so alugum sinik mafak atin titil kup tebesip iso dinan-nuubup kale, ibo waasi dinan-kalin mufekmufek God iyo numi kupka-e-boma uyo alugum tii-nilipta, bagang-kale titil fagaa molan-temip uta, sinik mafak imi kamok imi bisop baga-em imdep yang tem tililan-tema uyo, tele utama-bom fagaa kwaalip une-buluta, bom-bilipta o ageta kale

kanube kabo God imi waasi dinan-kalin mufekmufek uyo alugum tii-nalapta, kuguup mafak mitam tolon-temu uyo, titil fagaa mo umik ugobe-nalapta, fagaa kwaalap une-buluta, titil fagaa mo bom-balapta o ageta ko.

maak uyo, kabo waasi dinan-kalin imi at kom katip imi fet kun tem ililip te top unu ilimi kaal uyo uksu dinbip ulutap ke-nalap e, suun kup kapmi aget uyo kwep yak God imi diim daalapta, Tinum Mafagim imi dem tem kwegal at milip fogo kwek kali binola tebe at nang sok nang kuso fuu-bo uyo kangkolan-temaalu kale, tenolan-temu kale, waasi dinan-kalin imi dufalum titil tebesu uyo kwaak kalilan-temip uta, dubom uyo tambaliim nan-temu kale, ulutap kale, utamapta, God iyo nimi ilim uyo bopnelata, kaal binim albi kalaa agan-bom-nalapta o ageta kale, kabo waasi dinan-kalin imi benat ko age un kong waafuu waasi imi bubul begelemin ulutap ke-nalap e, God imi weng ilami Sinik tebe kopkeba uyo ku unang tinum iyo baga-e-balapta, tebe-nuluta, imi aget tem uyo tam unon-temu kale, kanumin kanumin bota kanu-bom-nalapta, fiko-bom-balapta o ageta ko.

Kale kabo mo-nalap fikolan-temap uyo kalbu kotam. Kabo tam waasi dinan-kalin imi ol tiil uyo ku migilip nagat molu tambaliim dinbip ulutap ke-bom-nalapta, tuluun weng uta kup baga-bom-nalapta, tambaliim bom-balapta o ageta kale, waasi dinan-kalin imi ilim ko age naam kwaak kalilipta, un uyo tal bubul uyo bigipman-temaalu binim kale, ulutap kale, kabo te tam kuguup tambal waafulan-temap uta tebe-nuluta, kapmi tiin kafan sinik uyo de kubaluta, tambaliim nan-temap e minte, waasi dinan-kalin imi yaan ilom tii-nilip, tam abe simanim unum o agan-nuubip ulutap kapkal tam God imi weng tambal bogo-nala, “Kwegii duup kiina tala kelum o,” agesa uyo kwep no baga-em tiineman o agelap uyo kan ke-nalapta o ageta kale

Kale nimi weng afungen uyo kaa baga-eman-temi kale, ibo Kamogim Yesus Krais imi diim kal feba bom-bilipta, imi titil kiim uyo ku ibo dong daga-e-balata, ipmi aget tem kuso kuguup kuso titil faga-bom-bilipta o ageta kale

Kale God imi suuk kon tem uyo bogo-nulu e, “Kogen kaalap iyo, ‘Nimi dubom o,’ age-nalapta, imi weng uta kup tinangka-bom-nalapta o,” agesu kale, weng boyo God imi kamaki ulo kwep daa-nala ilami weng kwego kwep daa, “Kanupman-temi o,” age kwep daa no kesa kale, weng kwep daasa kwek uyo bogo-nulu e, “Tinangkamap umdii, tambaliim kup bom-nalap e, kafin diim koyo iibilip unelan-temap o,” agesu ko.

Minte man ibaa. Ipkil Kristen kale, ogen aalap imi weng uta kup tinangkaman-temip uyo felepmuta, waafulan-temip ko.