Actau’r Apostolion 12
12
A.D. 44. —
1 Herod yn erlid y Cristonogion; yn lladd Iago; ac yn carcharu Pedr: a’r angel yn ei waredu ef, wrth weddïau yr eglwys. 20 Herod falch, yn cymryd arno ei hun y gogoniant oedd ddyledus i Dduw; ac yn cael ei daro gan yr angel, ac yn marw yn druenus: 24 a’r eglwys yn llwyddo ar ôl ei farwolaeth ef.
1Ac ynghylch y pryd hwnnw #12:1 y dechreuodd Herod frenin ddrygu, & c.yr estynnodd Herod frenin ei ddwylo i ddrygu rhai o’r eglwys. 2Ac efe a laddodd Iago #Mat 4:21brawd Ioan â’r cleddyf. 3A phan welodd fod yn dda gan yr Iddewon hynny, efe a chwanegodd ddala Pedr hefyd. (A #Exod 23:15dyddiau’r bara croyw ydoedd hi.) 4#Ioan 21:18Yr hwn, wedi ei ddal, a roddes efe yng ngharchar, ac a’i traddododd at bedwar pedwariaid o filwyr i’w gadw; gan ewyllysio, ar ôl y Pasg, ei ddwyn ef allan at y bobl. 5Felly Pedr a gadwyd yn y carchar: eithr gweddi #12:5 Neu, ddi‐baid, neu, ddifrif.ddyfal a wnaethpwyd gan yr eglwys at Dduw drosto ef. 6A phan oedd Herod â’i fryd ar ei ddwyn ef allan, y nos honno yr oedd Pedr yn cysgu rhwng dau filwr, wedi ei rwymo â dwy gadwyn; a’r ceidwaid o flaen y drws oeddynt yn cadw y carchar. 7Ac wele, #Pen 5:19angel yr Arglwydd a safodd gerllaw, a goleuni a ddisgleiriodd yn y #12:7 tŷ.carchar: ac efe a drawodd ystlys Pedr, ac a’i cyfododd ef, gan ddywedyd, Cyfod yn fuan. A’i gadwyni ef a syrthiasant oddi wrth ei ddwylo. 8A dywedodd yr angel wrtho, Ymwregysa, a rhwym dy sandalau. Ac felly y gwnaeth efe. Yna y dywedodd, Bwrw dy wisg amdanat, a chanlyn fi. 9Ac efe a aeth allan, ac a’i canlynodd ef: ac #Salm 126:1ni wybu mai gwir oedd y peth a wnaethid gan yr angel; eithr yr oedd yn tybied mai gweled gweledigaeth yr oedd. 10Ac wedi myned ohonynt heblaw y gyntaf a’r ail wyliadwriaeth, hwy a ddaethant i’r porth haearn #Pen 16:26yr hwn sydd yn arwain i’r ddinas, yr hwn a ymagorodd iddynt o’i waith ei hun: ac wedi eu myned allan, hwy a aethant ar hyd un heol; ac yn ebrwydd yr angel a aeth ymaith oddi wrtho. 11A Phedr, wedi dyfod ato ei hun, a ddywedodd, Yn awr y gwn yn wir #Dan 6:22anfon o’r Arglwydd ei angel, a’m gwared i allan o law Herod, ac oddi wrth holl ddisgwyliad pobl yr Iddewon. 12Ac wedi iddo #12:12 Neu, ystyried y peth.gymryd pwyll, #Pen 4:23efe a ddaeth i dŷ Mair mam #Pen 15:37Ioan, yr hwn oedd â’i gyfenw Marc, lle yr oedd llawer wedi ymgasglu, ac yn gweddïo. 13Ac fel yr oedd Pedr yn curo drws y porth, morwyn a ddaeth #12:13 Neu, i ymofyn pwy oedd yno.i ymwrando, a’i henw Rhode. 14A phan adnabu hi lais Pedr, nid agorodd hi y porth gan lawenydd; eithr hi a redodd i mewn, ac a fynegodd fod Pedr yn sefyll o flaen y porth. 15Hwythau a ddywedasant wrthi, Yr wyt ti’n ynfydu. Hithau a daerodd mai felly yr oedd. Eithr hwy a ddywedasant, Ei angel ef ydyw. 16A Phedr a barhaodd yn curo: ac wedi iddynt agori, hwy a’i gwelsant ef, ac a synasant. 17Ac efe #Pen 13:16; 19:33; 21:40a amneidiodd arnynt â llaw i dewi, ac a adroddodd iddynt pa wedd y dygasai’r Arglwydd ef allan o’r carchar: ac efe a ddywedodd, Mynegwch y pethau hyn i Iago, ac i’r brodyr. Ac efe a ymadawodd, ac a aeth i le arall. 18Ac wedi ei myned hi yn ddydd, yr oedd trallod nid bychan ymhlith y milwyr, pa beth a ddaethai o Pedr. 19Eithr Herod, pan ei ceisiodd ef, ac heb ei gael, a holodd y ceidwaid, ac a orchmynnodd eu #12:19 dodi hwy i farwolaeth.cymryd hwy ymaith. Yntau a aeth i waered o Jwdea i Cesarea, ac a arhosodd yno.
20Eithr Herod oedd #12:20 Neu, a’i fryd ar ryfela yn erbyn.yn llidiog iawn yn erbyn gwŷr Tyrus a Sidon: a hwy a ddaethant yn gytûn ato; ac wedi ennill Blastus, yr hwn oedd #12:20 Gr. ar ystafell.ystafellydd y brenin, hwy a ddeisyfasant dangnefedd; am fod #1 Bren 5:9, 11; Esec 27:17eu gwlad hwynt yn cael ei chynhaliaeth o wlad y brenin. 21Ac ar ddydd nodedig, Herod, gwedi gwisgo dillad brenhinol, a eisteddodd ar orseddfainc, ac a areithiodd wrthynt. 22A’r bobl a roes floedd, Lleferydd Duw, ac nid dyn ydyw. 23Ac allan o law y trawodd angel yr Arglwydd ef, am na roesai’r gogoniant i Dduw: a chan bryfed yn ei ysu, efe a drengodd.
24A #Esa 55:11; Pen 6:7 19:20; Col 1:6gair Duw a gynyddodd ac a amlhaodd. 25A Barnabas a Saul, wedi cyflawni eu #Pen 11:29, 30gweinidogaeth, a ddychwelsant o Jerwsalem, #Pen 13:5, 13gan gymryd gyda hwynt Ioan hefyd, yr hwn a gyfenwid Marc.
Selectat acum:
Actau’r Apostolion 12: BWM1955C
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
