Actau’r Apostolion 11
11
A.D. 41. —
1 Pedr, wedi achwyn arno am fyned i mewn at y Cenhedloedd, yn gwneuthur ei amddiffyn; 18 ac yn cael ei dderbyn. 19 Wedi cyrhaeddyd o’r efengyl hyd Phenice, a Cyprus, ac Antiochia, mae yn danfon Barnabas i’w cadarnhau hwynt. 26 Y disgyblion yno yn gyntaf i gael eu galw yn Gristonogion; 27 ac anfon ymwared i’r brodyr yn Jwdea, yn amser newyn.
1A’r apostolion a’r brodyr oedd yn Jwdea, a glywsant ddarfod i’r Cenhedloedd hefyd dderbyn gair Duw. 2A phan ddaeth Pedr i fyny i Jerwsalem, #Pen 10:45y rhai o’r enwaediad a ymrysonasant yn ei erbyn ef, 3Gan ddywedyd, #Pen 10:28; Gal 2:12Ti a aethost i mewn at wŷr dienwaededig, ac a fwyteaist gyda hwynt. 4Eithr Pedr a ddechreuodd, ac a eglurodd y peth iddynt mewn trefn, gan ddywedyd, 5#Pen 10:9, & cYr oeddwn i yn ninas Jopa yn gweddïo; ac mewn llewyg y gwelais weledigaeth, Rhyw lestr megis llenlliain fawr yn disgyn, wedi ei gollwng o’r nef erbyn ei phedair congl; a hi a ddaeth hyd ataf fi. 6Ar yr hon pan edrychais, yr ystyriais, ac mi a welais bedwarcarnolion y ddaear, a gwylltfilod, ac ymlusgiaid, ac ehediaid y nef. 7Ac mi a glywais lef yn dywedyd wrthyf, Cyfod, Pedr; lladd, a bwyta. 8Ac mi a ddywedais, Nid felly, Arglwydd: canys dim cyffredin neu aflan nid aeth un amser i’m genau. 9Eithr y llais a’m hatebodd i eilwaith o’r nef, Y pethau a lanhaodd Duw, na alw di yn gyffredin. 10A hyn a wnaed dair gwaith: a’r holl bethau a dynnwyd i fyny i’r nef drachefn. 11Ac wele, yn y man yr oedd tri wŷr yn sefyll wrth y tŷ yr oeddwn ynddo, wedi eu hanfon o Cesarea ataf fi. 12#Pen 10:19; 15:7A’r Ysbryd a archodd i mi fyned gyda hwynt, heb amau dim. A’r chwe brodyr hyn a ddaethant gyda mi; a nyni a ddaethom i mewn i dŷ y gŵr. 13Ac efe a fynegodd i ni pa fodd y gwelsai efe angel yn ei dŷ, yn sefyll ac yn dywedyd wrtho, Anfon wŷr i Jopa, a gyr am Simon, a gyfenwir Pedr: 14Yr hwn a lefara eiriau wrthyt, trwy y rhai y’th iacheir di a’th holl dŷ. 15Ac a myfi yn dechrau llefaru, syrthiodd yr Ysbryd Glân arnynt, #Pen 2:4megis arnom ninnau yn y dechreuad. 16Yna y cofiais air yr Arglwydd, y modd y dywedasai efe, #Ioan 1:26; Pen 1:5 19:4Ioan yn wir a fedyddiodd â dwfr; eithr #Esa 44:3; Joel 2:28; 3:18chwi a fedyddir â’r Ysbryd Glân. 17#Pen 15:8Os rhoddes Duw gan hynny iddynt hwy gyffelyb rodd ag i ninnau, y rhai a gredasom yn yr Arglwydd Iesu Grist, pwy oeddwn i, i allu lluddias Duw? 18A phan glywsant y pethau hyn, distawu a wnaethant, a gogoneddu Duw, gan ddywedyd, Fe roddes Duw, gan hynny i’r Cenhedloedd hefyd edifeirwch i fywyd.
19 #
Pen 8:1
A’r rhai a wasgarasid oherwydd y blinder a godasai ynghylch Steffan, a dramwyasant hyd yn Phenice, a Cyprus, ac Antiochia, heb lefaru’r gair wrth neb ond wrth yr Iddewon yn unig. 20A rhai ohonynt oedd wŷr o Cyprus ac o Cyrene, y rhai wedi dyfod i Antiochia, a lefarasant wrth y Groegiaid, gan bregethu yr Arglwydd Iesu. 21#Pen 2:47A llaw yr Arglwydd oedd gyda hwynt: a nifer mawr a gredodd, ac a drodd at yr Arglwydd.
22A’r gair a ddaeth i glustiau yr eglwys oedd yn Jerwsalem am y pethau hyn: a hwy a anfonasant Barnabas i fyned hyd Antiochia. 23Yr hwn pan ddaeth, a gweled gras Duw, a fu lawen ganddo, ac #Pen 13:43; 14:22a gynghorodd bawb oll, trwy lwyrfryd calon, i lynu wrth yr Arglwydd. 24Oblegid yr oedd efe yn ŵr da, ac #Pen 6:5yn llawn o’r Ysbryd Glân, ac o ffydd: a llawer o bobl a chwanegwyd i’r Arglwydd. 25Yna yr aeth Barnabas i #Pen 9:30Darsus, i geisio Saul. Ac wedi iddo ei gael, efe a’i dug i Antiochia. 26A bu iddynt flwyddyn gyfan ymgynnull #11:26 Neu, gyda’r eglwys.yn yr eglwys, a dysgu pobl lawer; a bod galw y disgyblion yn Gristonogion yn gyntaf yn Antiochia.
27Ac yn y dyddiau hynny daeth proffwydi o Jerwsalem i waered i Antiochia. 28Ac un ohonynt, a’i enw #Pen 21:10Agabus, a gyfododd, ac a arwyddocaodd trwy yr Ysbryd, y byddai newyn mawr dros yr holl fyd: yr hwn hefyd a fu dan Claudius Cesar. 29Yna y disgyblion, bob un yn ôl ei allu, a #11:29 luniaethasant.fwriadasant anfon #2 Cor 9:1cymorth i’r brodyr oedd yn preswylio yn Jwdea: 30#Pen 12:25Yr hyn beth hefyd a wnaethant, gan ddanfon at yr henuriaid trwy law Barnabas a Saul.
Selectat acum:
Actau’r Apostolion 11: BWM1955C
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
