Nahumi 2
2
Ukupona kwakwe Ninive
1Iye Ninive, ngavino ukulwiswa!
Amaka yano yalikuvongonyola yiza.
Chinjililani amalinga! Muchinjilile inzila! Yisenganiani!
Yisenganiani muye kwisumo!
2(Imfumu e Leza wanenenchela ukunyosezya awa Israeli ukuchindamikwa, wawe ndivino pano awalwani wawo wachilinji ukuwapoka.)
3Awavita wane wakwiza mukuwalwisya wasenda inkwela mbenzu,
wazwala nivizwalo viwenzu.
Wapalamila ukulwisya!
Amagereta yawo yakumekuka ngati amulilo!
Wakavwalo wawo wakusamala injawala!
4Amagereta yakutantala mumisolo ngati yapena,
yakupita uluwilo mumisolo koo nakoo.
Yakumekuka ngati avisonsolwa vya mulilo,
yakuya kunkolelo ngati akumesya.
5Wamusika wakwita; wakukuwizya ivita vyawo.
Walwani wakusamalila kwilinga
wakuzenga ichakuvwimbila ichimuti chakumongolola uluwumba.
6Impongolo zyamumbali yaluzi
zyamongoka; isano lyizula nintete.
7Imfumukazi yalemwa uwuzya;
awawomvi wakwe wakupongomoka wakulosya;
wakuyikung’unta pavifuwa namalanda.
8Awantu wakusamala wakufuma mu Ninive
ngati aliziwa lyaminzi line lyapongolela!
Leka! Leka! wakupongomoka inkuta.
Ukuwa uwakunyoka nanti wenga.
9Sampani silivara!
Sampani golide!
Mukaya muli nsawo mvule!
10Ninive walowa, wayisyalila, wawa amapopa!
Imyezo yatempwenta kuntete;
amakokola yakuzakaza, amaka yasila;
impumi zyavwalambana.
11Nga kanonzi ininga yavimbwi ilikwi,
amasyo yano awana wavimbwi walyanga mwenemo,
muno ivimbwi nawana wavimbwi wangaya
wakavwame kuwulwani?
12Ichimbwi chakomile inyama yakulya,
achiyinyankulania ukupa ichimbwi chanachi nawanakwe;
achizuzya ininga yakwe ninyama yino chavwandul inie.
13Imfumu e Leza wamaka yonsi wati, Nemulwani winu. Ndiyocha amagereta yinu. Isumo lililovya awana wavimbwi vinu, swinya ndisenda vyonsi vino mwasenzile kwewanji. Izwi linu munsi lilimyalalikwa.
Selectat acum:
Nahumi 2: WWN82
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.