Naume 2
2
Logo fakafiafia
1Ko leinei i aluga o mauga
A vae o le tagata avelogo leia e fakasa ia le tokamalie !
Suta, fai ou aso lalasi, fakasoko au fakapapau !
Talie e leaise toe ano loa le tagata agaveli i loto malie o ou,
Kua motusi oki a ia…
2Kua saele le tagata maumau kiate koe, Ninive.
Taupau le kolo tau !
Leoleo le ala ! Teuteu le tau !
Tanaki lou makeke katoa !…
3Talie e toe fakatuu e le Eteleno le kololia o Sakopo
Ti mo le kololia o Iselaele,
Talie na kaia latou e le kau kaia,
Ti na lotou maumaui a tafito vite.
4Kua kula a paletau o ana tagata toa,
Kua kofu kula a tagata tau.
Kua sa a saliote mo le ukamea leia kua gigila,
I le aso leia na fakatuutuu e ia ki le tau,
Ti kua siki a tao.
5Kua oso a saliote i ala,
Kua lotou makape ki lapalasi o kolo ;
I le tio kia latou, kua lotou faipe ni ulai afi,
E lotou makape ofaipe ni uila.
6E manatu le sau o Ninive ki ana kau tagata toa,
Kae e lotou sisiga i lalatou saele.
Kua fakatavili ki kaua,
Ti kua teuteu ki le tau.
7Kae fokifa kua mavaa a matapa o vaitafe lalasi,
Ti kua solo le fale sau !
8Kua oki a ia : Kua telefua Ninive, kua ave a ia.
Kua tagi laulau ana fafine fakasausau ofaipe ni lupe,
Ti kua lotou pa olatou fatafata.
9Na fai Ninive i le temi mua pe se fa tane na apele i le vai ;
Kae ko leinei kua mafaa a ia, ti kua lotou sosola…
Kotou tutuu ! Kotou tutuu !…
Kae e leaise toe mafuli se tasi…
10Kotou kaia le siliva ! Kotou kaia le aulo !
E ia ni koloa lee oki,
Ni koloa mauiga kesekese.
11E kaia, e maumaui, e fetuku !
Ti kua gaegae a loto,
Kua mapelu a tuli ki lalo,
Kua mamae a ifiifi,
Kua fakalaulautetea a mata.
12Kua feaki le nofoaga lena o laione,
Le kaiaga lena o uviki laione,
Le ganea leia e ano ki ai le laione tagata, mo le laione fafine, ti mo le uviki laione,
Ti e leaise toe fakavisi se tasi kia latou ?
13Na sae e le laione tagata ki ona uviki,
Ti na tamate e ia ki ana laione fafine ;
Na fakaapele e ia ona ana ki nea kai
Ti mo ona nofoaga ki mate.
14Ko leinei, e kau mamafa kiate koe, e pati le Eteleno o kau tau :
E kau fakaliliu loa au saliote tau o mugalafu,
E kai loa e le seleta ou uviki laione,
E kau taaki loa lau nea kai i le fenua,
Ti e leaise toe logo loa ki le leo o au tagata fakasausau.
Selectat acum:
Naume 2: FB2000
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
© Société Biblique de Genève, 2000-2020