Naume 1
1
Agaaga o le Atua mo lona mafimafi
1Masau mamafa ki Ninive. Tosi o le folafola kikite a Naume, mei Elekosi.
2Ko le Eteleno ko se Atua finenonofo,
E totogi e ia ; e apele a ia i le itaita ;
E totogi e le Eteleno kia latou ala e agatuu kiate ia,
E taofi e ia lona ita ki ona fili.
3E kataki fualoa e le Eteleno lona sausau, e lasi a ia i lona makeke ;
E leaise tuku e ia leia e agasala sala tautea.
E saele le Eteleno i le afa, mo le asesio ;
Ko ao ko efu o ona vae.
4E valoki e ia le tai ti e malo a ia.
E fakamasa e ia a vaitafe fuli ;
E gae le Pasani mo le Kalemelo,
E gae a fitii laakau o Lipane.
5E galulu a mauga i ona mua,
Ti e liliu o vai a mauga liliki ;
E tuu ki aluga le malama nei i ona mua,
Le malama nei katoa mo latou fuli e nonofo i ai.
6Ko ai e tuu loa i mua o lona sausau ?
Ko ai e tuu loa i mua o lona sausau lasi ?
E mafola lona sausau ofaipe le afi,
Ti e mafaafaa a utu i ona mua.
7E agamalie le Eteleno,
Ko se mumuniaga a ia i le aso o le mamae ;
E iloa e ia latou ala e fanaki kiate ia.
8Kae e maumaui loa e ia le kolo
Ki ni galu o le malaia,
Ti e tuli loa e ia ona fili o kaku ki le fakapouli.
Fakasa o le maumaui o Ninive
9Kolea e kotou fakakaukaui ki le Eteleno ?
Ko ia leia e maumaui ia.
E leaise sa tua lua loa le mamae !
10Talie e fui loa latou ofaipe ni vao talatala,
Ti e lotou konana loa i le vino,
E tutu loa latou,
Ofaipe le penui fulumeto malo, katoa.
11Meiate koe e ulu mai
Leia na metitasio ia le veli ki le Eteleno,
Leia na nofo mo ni fakatuutuu veveli.
12Koia e folafola ai le Eteleno : Logo ai e lotou makeke mo toka api,
Kae e tuuti loa latou ti e lotou pupuli loa.
E kau loto ke fakamamae a koe,
Ke aua na toe fakamamae a koe…
13E kau fatii loa i le aso nei lana amoga iate ia,
Ti e kau motusi loa ou sai…
14Ko leinei le nea leia na fakatotonu e le Eteleno kiate koe :
E leaise ke toe maua ia loa sou sakoga ke taupau ia lou igoa ;
E kau too loa i le fale o lou atua a fakatata laakau mo fakatata ukamea saka ;
E kau teuteu loa lou tanuma, talie e ke maamaa ai !
Selectat acum:
Naume 1: FB2000
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
© Société Biblique de Genève, 2000-2020