Apakuki 1
1
Ko le tagi a Apakuki
1Ko le folafola kikite na fakasa ki le polofeta ko Apakuki.
2E kaku loa kiafea, ei Eteleno ?… Na kau tagi,
Kae e leaise ke fakalogo mai !
Na kau kalaga kiate koe o tupu ko le agamakeke,
Kae e leaise ke tokoi mai !
3Kolea e ke fakatio ai au ki le agaveli,
Ti e ke tio ai ki le lee faitotonu ?
Kolea e tuu ai le fakaveliveli mo le fakamakeke i oku mua ?
I ganea fuli, e malaga ake ni fakamaau mo ni fefele.
4Koia e leaise koi mauli ai le lao,
E leaise koi makeke ai le faitotonu :
Talie kua malo le tagata agaveli i le tagata faitotonu,
Ti kua salasala a fakamaau.
Fakasa o le tautea o Suta
5Kotou tagaki okoutou mata ki atu puleaga, ti kotou tio,
Ti kotou punamauli, ti kotou i !
Talie e kau fai loa se gaoi i lokoutou temi,
Leia e leaise kotou tui loa ki ai mo ka fakamatala a ia.
6Ko leinei, e kau lagai loa le kau Kaletea,
Se kakai itaita mo makeke,
Leia e saele i ni fenua lalasi o too ni nofoaga o ni iki.
7Ko se kakai mamalu mo fakaii ;
E fakalogo fai a ia kiate ia mo lona makeke.
8E gasolo ake ana osi i leopale,
Ti e lotou makamu ake i lupo o le afiafi.
E saele ana tagata eke osi i le fia nealasi,
E au ana tagata eke osi mei mamao,
E lotou lele ofaipe le akuila leia e oso ki lana nea kai.
9E au le kakai katoa lena ki le kaia.
E tio ona mata manumanu ki mua,
Ti e fakatasi e ia ni kau pilisoni ofaipe le one.
10E kata a ia ki sau,
Ti e gologolo a ia ki pule.
E kata a ia ki kolo tau fuli,
E fakatuuga e ia ni kele, ti e too e ia latou.
11Ti e liuga tua lua e ia lona makeke,
E soko atu e ia lana saele, ti e asilisili ake lana agasala.
Ko lona makeke o ona, ko lena lona atua !
12Pe leaise ke agai mei lee gato,
Eteleno, loku Atua, loku Sagato ?
E leaise motou mamate loa !
Ei Eteleno, na ke fakanofo le kakai leinei ke fai ia au fakamaauaga ;
Ei loku Utu, na ke lagai a ia ke tuku ia au tautea.
13E mea ai ou mata ke tio ki le veli,
Ti e leaise feala ke ke tio ki le agaveli.
Kolea e ke tio ai loa ki le kau agatuu, ti ke fakaleemu loa,
Kae lolotoga kai e le tagata agaveli leia e agatonu ake iate ia ?
14Pe ke fai loa ki le tagata ofaipe ika o le tai,
Ofaipe le manu totolo leia e leai sona pule ?
15E toso ake e ia latou fuli ki le matau,
E aumai e ia latou ki lona kupega,
E tanaki e ia latou ki ana kukuti.
Talie e lasi loa lona fiafia mo lona nekenekea ia latou.
16Koia leia e momoli ai e ia ni sakilifisio ki lona kupega,
E tutu ai e ia se iseso ki ana kukuti ;
Talie e maua e ia ni nea kai gako mo kano malie i nea ana.
17Pe gato loa afea lana toso lana kupega ?
Pe gato loa afea lana tamate fakaveliveli a atu puleaga ?
Selectat acum:
Apakuki 1: FB2000
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
© Société Biblique de Genève, 2000-2020