Zaburi 61

Kuomba ulinzi

Kwa mwimbishaji. Kwa ala za nyuzi za uimbaji. Zaburi ya Daudi.

1 Ee Mungu, sikia kilio changu,

usikilize maombi yangu.

2 Kutoka miisho ya dunia ninakuita,

ninakuita huku moyo wangu unadhoofika;

uniongoze kwenye mwamba

ulio juu kuniliko.

3 Kwa kuwa umekuwa kimbilio langu,

ngome imara dhidi ya adui.

4 Natamani kukaa kwenye hema lako milele,

na kukimbilia chini ya uvuli wa mabawa yako.

5 Ee Mungu, kwa kuwa umesikia nadhiri zangu,

umenipa urithi wa wale wanaoliogopa jina lako.

6 Mwongezee mfalme siku za maisha yake,

miaka yake kwa vizazi vingi.

7 Mtawaze mbele za Mungu milele;

amuru upendo wako na uaminifu wako vimlinde.

8 Ndipo daima nitaliimbia sifa jina lako

na kuzitimiza nadhiri zangu siku baada ya siku.

Selectat acum:

Zaburi 61: NEN

Evidențiere

Copiază

Compară

Împărtășește

Dorești să ai evidențierile salvate pe toate dispozitivele? Înscrie-te sau conectează-te

Versete biblice populare din
Zaburi 61