Versete biblice populare din Tawˆ kʼai ve li‸ 5

Împărtășește

Oˇ ve hkʼaw‸ nawˉ, Moˉseˍ leh Aˍronˍ Eˇjiˇtu‸ jawˇmawˇ geh kʼai leh kʼoˆ ve, Iˉsaˍreˍlaˆ chaw hui ve Gʼuiˬsha chi hkʼe kʼoˆ ve yoˬ. Ngaˬ ve chaw teˇ hpaˍ, heh puiˉ hkʼaw lo ngaˬ hta‸ gʼa ca tuˉ tanˇ tuˬ yawˇ hui hta‸ hpehˇ piˇ-oˆ, teh‸ kʼoˆ ve yoˬ, teh‸ jawˇmawˇ hta‸ kʼoˆ piˇ ve yoˬ.

Ngaˬ jawˇmawˇ geh kʼai leh nawˬ awˬ tan tawˇ ca yaw piˇ ve teˇ yanˇ, yawˇ lehˬ nawˬ ve chaw teˇ hpaˍ hta‸ leuˉ leh kʼaw‸ fawˉ mehˍ piˇ ve yoˬ. Nawˬ lehˬ, chaw chi teˇ hpaˍ hta‸ ga piˇ tuˬ te‸ chiˉ maˇ te she‸, teh‸ kʼoˆ ve yoˬ.

Oˇ htaˇ Moˉseˍ Gʼuiˬsha geh jiˆ kʼai leh kʼoˆ ve, Gʼuiˬsha-oˬ, aˬ hto‸ ma pa taw nawˬ ve chaw chi teˇ hpaˍ hta‸ chi taw taw tu‸ hkanˍ piˇ lawˬ ve le. Aˬ hto‸ ma pa taw, nawˬ ngaˬ hta‸ choˬ kaˬ lo peu laˇ ve le.

Oˇ htaˇ jawˇmawˇ lehˬ, Nawˬ hui ve tawˇ hta‸ na leh Iˉsaˍreˍlaˆ chaw hui hta‸ gʼa hpehˇ piˇ tuˬ, Gʼuiˬsha oˇ ve a shu le. Gʼuiˬsha oˇ ve hta‸ ngaˬ maˇ shiˍ. Iˉsaˍreˍlaˆ chaw hui hta‸ ngaˬ hpehˇ piˇ maˇ hpeh‸, teh‸ kʼoˆ ve yoˬ.

Ya‸ hkʼaˇ, ponˬ laˬ htaˇ gʼa jaw ve hkʼe li kiˉ shiˍ gʼa piˇ lawˬ-o‸. A ciˉ ka‸ taˇ yawnˇ tcuh. Awˬ lawn kʼo, yawˇ hui kanˉ te maˇ law‸ taˬsheˍ ve yoˬ. Chi hta‸ pa taw, yawˇ hui ve Gʼuiˬsha hta‸ ca tuˉ tanˇ piˇ tuˬ awˬ pon hpehˇ laˇ tuˬ ngaˬ hta‸ lawˬ laˇ chehˇ ve yoˬ. Shu heˍ piˇ ve tawˇ hta‸ maˇ gʼa na chehˇ tuˬ, chaw chi teˇ hpaˍ hta‸ ponˬ laˬ htaˇ a‸ kehˉ kanˉ hehnˇ chaweh kʼaw‸ te tcuh-o, teh‸ yawˇ hui hta‸ kʼoˆ piˇ ve yoˬ.