Versete biblice populare din Eˇfeˇsu‸ li‸ 6

Împărtășește

Awˬ lawn kʼo, ngaˬ hui lehˬ chaw yaˇ hta‸ gʼa tawˍ da‸ ve maˇ heˆ. Uˉ peunˍ shehˍ hpaˇ teˇ hpaˍ hta‸ maˇ kʼoˆ, kanˇ paˆ cawˬ shehˍ hpaˇ teˇ hpaˍ hta‸ maˇ kʼoˆ, chi beu‸ ve awˬ yanˇ awˬ hkʼaw lo miˬguiˬ hkʼoˆ naˆ ho‸ ve hta‸ uˉ peunˍ chehˇ ve teˇ hpaˍ hta‸ maˇ kʼoˆ, mvuhˇ hpe lo chehˇ ve haiˬ ve awˬ ha teˇ hpaˍ hta‸ maˇ kʼoˆ, gʼa tawˍ da‸ ve yoˬ.

Hkʼaˬ htaˆ ka‸ bon lawˬ ve leh lawˬ hkawˉ ve teˇ ceuˬ le le hta‸ te leh, Awˬ ha hpu awˬ hkʼaw lo bon lawˬ chehˇ-oˆ. Oˇ hkʼe bon lawˬ tuˬ awˬ gʼaˇ maˇ nuˇ leh, Hkri‸ yaˇ hui hkʼa peu-eˬ awˬ pon bon lawˬ leh shaw chehˇ-oˆ.

Neˇhaiˬ heˍ yuˬ beˬ yuˬ ve teˇ hpaˍ hta‸ nawˬ hui gʼaˇ hpeh‸ tuˬ, Gʼuiˬsha pe‸ laˇ ve la‸ caˉ hkʼa peu-eˬ hta‸ nawˬ hui veu‸ deh leh pfuhˇ taˍ-o‸

Hkʼe te leh, haiˬ ve awˬ nyi awˬ hkʼaw lo nawˬ hui yeˬ chehˇ hpeh‸ leh, hkʼa peu-eˬ hta‸ te peuˬ hkʼaw‸ nawˉ huˉ chehˇ hpeh‸ tuˬ, Gʼuiˬsha pe‸ laˇ ve la‸ caˉ hkʼa peu-eˬ hta‸ vawˆ taˍ-o‸.

Chi hkʼoˆ ka‸, haiˬ ve awˬ shehˍ hpaˇ teˇ gʼaˇ bawˆ laˇ ve aˬ miˍ to‸ chehˇ ve hkaˆ ce teˇ hpaˍ hta‸ tiˇ pehˍ gʼa tuˬ, htanˬ tuˬ hta‸ pfuhˇ ve hkʼe, yonˍ ve teˇ ceuˬ hta‸ pfuhˇ taˍ-o‸. Htaiˍ hkʼaw‸ ve sho uˉ tcuhˍ hta‸ hkʼawˆ taˍ leh, Awˬ ha hpu ve aˉ htaw hta‸ pfuhˇ taˍ-o‸. Aˉ htaw oˇ ve lehˬ, Gʼuiˬsha ve tawˇ hkawˇ hpeh‸ ve yoˬ.

Hteˇ ve cawˇ ve teˇ ceuˬ nawˬ hui ve caw‸ cehˍ nyi hta‸ tsuh‸ taˍ leh, nyi ma hteˇ ve cawˇ ve teˇ ceuˬ nyi ma pui hta‸ htanˬ tuˬ veu‸ deh leh, cawˇ da‸ hawˍ da‸ tuˬ te hpeh‸ ve ha lehˬ ve bon hkawˇ hta‸ pa taw gu taˍ ve teˇ ceuˬ hkuiˉ nuˆ tcuhˉ ve hkʼe tcuhˉ leh huˉ taˍ-o‸.

Awˬ leh meuˇ ve tawˇ teˇ hkawˇ lehˬ chi hkʼe yoˬ. Jawˇmawˇ Yeˍsuˆ awˬ hkʼaw lo maˇ kʼoˆ, yawˇ ve kanˇ paˆ hta‸ caˉ da‸ ve awˬ gʼaˇ awˬ shaˉ awˬ hkʼaw lo maˇ kʼoˆ, yeˬ chehˇ-oˆ.

Teˇ ceuˬ le le nawˬ awˬ pon da‸ leh, miˬguiˬ hkʼoˆ lo co zuhˬ ha zuhˬ cawˬ tuˬ, nawˬ ve awˬ pa awˬ e hta‸ yawˆ yawˆ yan yan te-o. (Awˬliˇtawˇhkawˇ teˇ hpaˍ awˬ hkʼaw lo, tawˇ chi teˇ hkawˇ lehˬ, ka ti‸ piˇ taˍ ve tawˇ awˉ lawˉ teˇ hkawˇ hpeh‸ ve yoˬ.)

Yaˇ ehˉ teˇ hpaˍ-oˬ, Jawˇmawˇ Yeˍsuˆ awˬ hkʼaw lo nawˬ hui ve awˬ pa awˬ e ve tawˇ hkawˇ hta‸ na yuˬ-o‸. Awˬ lawn kʼo, chi hkʼe te cawˇ ve yoˬ.