Versete biblice populare din MATIO 26

Împărtășește

Po tisɛ, bɑ́ shwyɛ'nyə Si gɑ̀ po kɑ̀ vʉ̀ nə mləŋtə. Zhwenyə wə bɑ a ló kaktʉɔ, da' gɑ bɑ bap nɑ́ pwa.

A lə pɑ po'o e ghɔm bi pu gɑ: Lam tsɑ̌ wə jwiŋ m zhwiŋ vʉ̌. Pó cwə tsɔ'ɔ pɑ̀ pəmtə disɛ́.

E lə piŋ na' gɔ dzə, bvʉ́ pfɔppfɔp shwyɛ'nyə Si gɑ: Ta ǎ, a ghɔ̀ bɑ̀ gɑ bi a pɑ yəŋ gɑ̀ nthǔ' cyə̀ gʉə sʉəsʉə nə m̀! Da' gɑ́ tə m pa' gɑ̌ kuŋ a pɑ́, pa' o kuŋ a!

Nə pa' moŋ gɑ bɑ mcyə́ mə̌, mcyə kɔ̀ myə pu pfyə nə thə́ pɔ jɔmyɔ̌m, nə nə́ lɑ mhɔ pɔ shwyɛ' wap a.

Wap lə pɑ dzʉ̀ ywə, Yeso pe msɛ̌, nyəŋ byanyə nə, bo', biŋ hɑ bi pɑkhʉ̌ pyə gɔm gɑ: Po kɑ̀ pfɑ́, yəŋ gɑ bɑ́ bapnɑ a.

Biŋ ŋkwa nthú' mlu' go'tə Si nə hɑ bi pu gɔm gɑ: Po nwə́ guŋ yɔ awɛ.

E lə sɔ' bəŋ pɑkhʉ̌ pyə́, wap pɑwə di; e ghɔm bi Pɛtrɔ gɑ: A pɑ̀ po'o tə́ po lə ghə tʉɔ gɑ̀ pɑ nə disɛ nə ta' nam!

Gɑ siŋ wɔ gɑ: Ŋ tə gɔ piŋ kwi' nwə́ mlu' nthɔm thə̀ mɔ gɑ́ pɑ̀, tə́ kəm tyɛ'dzʉ́ yə pɑ̀ gɔ la' kwi' nwə́ myə sə́, nthʉm Nəfò Tà ǎ a.

Pɛtrɔ piŋ ŋkhamtə ghɔm tsyə Yeso la' gɔm bi e gɑ: Ko' gɔ nə tùŋ bɑ o kəŋnyə a mcʉm ntha. E lə̀ təm biŋ dɑ mtso dɔ̌.

Po lusi! Pɑ ghɔ, yɔ́, mo yə e hɑ́ a wə sɔ'.

A pɑ po'o Yeso ghɔm bi e gɑ: Nyəŋ nyə o nə tsʉ' e, nə pa' pɑ̀ cwɔ' nyə́ gɔ la' pfʉ́ pɑ́ nyə.