Versete biblice populare din NAT JAX TƗ TƗƗ GU JUAN 14

Mɨkkat baꞌ moo bhammɨx dhaam dɨr bhaiꞌ ba tuñ aꞌgi mɨt, jup jiñ chɨtda am: ―Jaꞌpni jaꞌk jap miꞌp xi chu daasaꞌ uꞌuan taꞌm: “¡Jaꞌp moo joidham jix bhaiꞌ ba tu ja jimiaꞌ guiꞌ nam jɨꞌk tɨ jɨɨꞌñdhai koꞌyaꞌ buiñor guch Xoiꞌkam!” Baꞌ gux Dhuuduꞌ kam jix Uañ Iiꞌmdaꞌ jup kaiꞌch ɨp: “Jɇɇꞌ dho. Cham paiꞌ dhuuk magooñiꞌ ja aꞌm ka jimiaꞌ, nam guꞌ cham paiꞌ dhuuk ka tu juanaꞌ, ni nam tuꞌ bhaan kam tulhiiñaꞌ, dai nam gammɨjɨx jɨjɨkgɨm bap tuiꞌkaꞌ. Dhiꞌ baꞌr ja maiꞌchɨk kaꞌ nam jix bhaiꞌm duukam jup tu buimɨi bhaankamuꞌn gu Dios.”

Baꞌ guiꞌ nam jɨꞌk tɨ jɨɨgiꞌñ buiñor guch Xoiꞌkam, jum aaꞌ nam nakgaꞌ siat puꞌñix ioꞌm bhaiꞌ ji ja tulhiiñchuda gu jaꞌook, dai nam miꞌ puiꞌ xi chu kuugalhdhidhaꞌ pɨx na jax jix aaꞌ gu Dios. Dhiꞌ baꞌ bhaan ba matgilhiaꞌ nam sɨlhkam bɨɨx ja jujur kɨꞌn jix biiñak buiñor guch Xoiꞌkam.

Jup kaiꞌch gɇꞌ kɨꞌn: ―Tuꞌ kaꞌm japim nɨidhat gɇꞌkamtuꞌndaꞌ gu Dios, na guꞌx ioꞌm jir gɇꞌkam. Xib yaꞌ bam ai na paiꞌ dhuuk saak ja aagiꞌñdhaꞌ gu jaꞌtkam nam tuꞌ jax buimɨk nam duduakat gu ja tutkuꞌ bhaan. Dhiꞌ pɨx jir diꞌ guiꞌ nat jup duu dhi oiꞌñgaꞌn gio dhix dhaam, gio gu suudaiꞌ na mu jaꞌp suusuꞌn muiꞌ kap.

Miꞌ dhɨr baꞌ moo jumai bhaiꞌp ji ñio gu nobiiꞌñ gu Dios na baꞌ kɨꞌn bar baikim kaꞌ, jup kaiꞌch ɨp gɇꞌ kɨꞌn: ―Gu jaroiꞌ noꞌt tu daanɨ buiñor gu jaꞌook na jaꞌp tuꞌm tu tuukuꞌ na gu tɨrook, gio gup duñiixim na puiꞌp tuꞌm, gam noꞌt jum matgilh bha kobtagiꞌñ piam gu kɨɨꞌn dɨr kam nobiꞌram na bhaan jix maatɨꞌ na ba kaichuꞌ gu jaꞌook, am tɨꞌñchokaꞌ nax ioꞌm tulhiiñchudaꞌ gu Dios mu na paiꞌ mɨim gu tai nax ioꞌm jix choiñ ja nɨiꞌñchudat bɨɨx na jɨꞌk noonbiꞌñ gio guiꞌ na jaꞌp ji buusan na gux kɨɨꞌ kasnir, jaꞌp ji buusniaꞌ na ja iꞌchdhaꞌ guiꞌ nax ioꞌm jix xibuꞌ nax maimdaꞌ. Miꞌm baꞌ pu mɨɨjidhaꞌ gammɨjɨ sia nar paiꞌ dhuuk kaꞌ gɨt, na guꞌ cham paiꞌ dhuuk tukiaꞌ gu tai, nam guꞌ gɇꞌkam kɨꞌn cham am bua noꞌ mɨt jax dhuuk tu daanɨ buiñor gu jaꞌook, gio guiꞌ nar jup duñiixim na puiꞌp tuꞌm, gio noꞌ mɨt jum matgilh na bhaan jix maatɨꞌ kaꞌ nam guiꞌ ba kaichuꞌ.

Baꞌ guiꞌ na jaꞌp ji buusan na gux kɨɨꞌ kasnir, bhammɨ kɨɨk gɇꞌ oidhaꞌ taꞌm na paiꞌ Sion tɨ tɨɨꞌ ja bɨɨm xijum gook jix chaꞌtmam ooꞌm daman maakob miil (144,000) gu jaꞌtkam. Bɨɨx jɨꞌmaꞌn bha uaꞌñix ja kokobtaiꞌ am na jax chɨɨꞌ guiꞌ na jaꞌp ji buusan na gux kɨɨꞌ kasnir gio na jax chɨɨꞌ gu Dios.

Baꞌ maaꞌn gu nobiiꞌñ gu Dios bhammɨ jaꞌp dɇdɇꞌ ɨrban gux dhaam, jir diꞌ pɨx guiꞌ na bɨɨx kap na jɨꞌx oiꞌñgaꞌn tu ja aꞌgiꞌñ gu jaꞌtkam gux bhaiꞌm kaiꞌchdham ñioꞌkiꞌñ na bhaan tu aꞌga guch Xoiꞌkam. Bɨɨx na jɨꞌk jaꞌtkam tu ja aꞌgiꞌñ, siam jaiꞌ maakam tu ñiok, piam sia kum jir jax chuꞌm, gam sia kum jir pa jaꞌk kam.

Gio baꞌ moo miꞌ dhɨr jumai bhaiꞌp ji ñio gu nobiiꞌñ gu Dios, jup kaiꞌch ɨp: ―Xib dho gi baꞌ am xi koꞌyaꞌ am ji gu Babiloonia oiꞌñkam, na mɨt paiꞌ dhɨr puiꞌ ja mamtux bɨɨx gu jaꞌtkam na jɨꞌx oiꞌñgaꞌn nam jax jaꞌk gɇꞌkam kɨꞌn jum uaꞌtulhdhaꞌ, gam nam jax jaꞌk ja daandaꞌ gu didios jum tɨɨtgɨdam jup duñiixim nam jax jaꞌk tu jim dɨɨlh. Jaꞌp ji buus na mɨt ja iꞌiich gu biiñ nam kɨꞌn jum uaꞌtulhdhaꞌ buiñor gu Dios.