Versete biblice populare din Maku 3

Împărtășește

-Meiũpe ti uity uheꞌywytꞌin uheinytꞌin e. Katupono Tupana ehay pe pywo e haria wyti uheꞌywytꞌin uheinytꞌin uityꞌin e. Uiꞌywot mikyꞌesat nug haria eipe pote Uheꞌywytꞌin uheinytꞌin uityꞌin wo eweipyhuꞌat e Iesui taꞌapypueri haria pe.

Pywo ti areꞌe ehepe yne miitꞌin iꞌatuehay saꞌag yt nakuat i sese Tupana tomohãpyk kuap e. Maꞌato miitꞌin iꞌatuehay saꞌag Tupana Paꞌãu uhetiat tohenoi pote miꞌi iꞌatuehay hap Tupana yt timohãpyk kuap i. Miitꞌin iꞌatuehay saꞌag Tupana Paꞌãu kape yt karãpe i Tupana timoweityk kuap e. Miꞌi e hat wuatꞌi eꞌat piat Tupana miꞌapiheg wuatnuat topyhuꞌat e Iesui.

Yt aikotã kuap i wyti ren e. Katupono yt karãpe i tuwesopo kuap miit piit pyi ahiag e. Katupono karãpe wẽtup setama pe miitꞌin tuꞌuka tuꞌuka toꞌope meiũran ti mekewat setama pe yt uwe i raꞌyn topyhuꞌat e. Kat pote toꞌoꞌatoiat yne yne e yt kat i woꞌowese hap itote pote e. Iꞌewyte ti karãpe miitꞌin wẽtup yat pe tuꞌuka tuꞌuka toꞌope meiũran ti yt uwe i raꞌyn topyhuꞌat mekewat yat pe toꞌoꞌatuꞌuka pote e.

Iꞌewyte maꞌãu saꞌag koꞌi ipiit piat rakaria tõꞌẽ Iesui ewowi. Miꞌi hawyi teꞌerehaꞌat Iesui kape hawyi ahiag koꞌi kak iꞌatuꞌe. Taꞌatuewo yi kape raꞌyn Iesui yatype hawyi taꞌatuehay pirik wo -Tupana saꞌyru ti en iꞌatuꞌe.