Versete biblice populare din Maku 4

Împărtășește

Miꞌi hawyi Iesui ipoĩꞌam naꞌyn hawyi toꞌe ywytu uato pe ihy esaika rakat pe -Epoꞌinik to yꞌy e epohep to wasere e. Miꞌi hawyi meremo wasere ipohep hawyi yꞌy iꞌewyte ipoꞌinik taꞌyn. Miꞌi hawyi ihy nik kahato raꞌyn. Miꞌi hawyi toꞌe towyriaꞌin me -Uhytꞌiꞌin e kat poteĩ eweikenꞌẽ uimohey haria eipe pykai e.

Miꞌi hawyi teꞌerokenꞌẽ poꞌog neꞌi hawyi apo iꞌatuꞌe toꞌope -Uweĩ miꞌi iꞌatuꞌe. Yt uwe i mesuwat yi tote Miꞌi Miit Iesui ewywuat iꞌatuꞌe. Taꞌi ywytu yꞌy tunug kahato Aimuꞌe hat Iesui mipoꞌoro ewy iꞌatuꞌe.

Miꞌi turan Iesui toket neꞌi raꞌyn yara etuꞌa pe toꞌakag pysop tote. Miꞌi hawyi hemiitꞌin toꞌokakꞌi teꞌeraꞌapyꞌat irane ihy wato taꞌatueꞌyara piat pote. Miꞌi hawyi meremo teꞌeruwẽpowat taꞌatuehay pirik wo Iesui kape -Urumuꞌe hat erehymut ro iꞌatuꞌe. Yt urukyꞌe i apo En iꞌatuꞌe. Urutopap hamuat raꞌyn wyti iꞌatuꞌe min watoꞌe Uhyt iꞌatuꞌe Iesui pe.

Eweiwanetup to sehay kape e. Katupono eweikuap kahato hawyi poꞌog naꞌyn eiwatno topyhuꞌat eimikuap wo e.

-Taꞌi miꞌi tã ti Tupana topyhuꞌat irane Miitꞌin Porekuat no aikotã hãꞌỹi koi hat ewy ti aru e. Saꞌawyꞌi toikoi hawyi tuwewi hẽtyt raꞌyn maꞌato ikoi hat toineꞌen toꞌyat pe turan miꞌi hẽtyt raꞌyn e. Miꞌi hawyi itag naꞌyn miꞌi hawyi haat raꞌyn maꞌato ikoi hat yt uwe i itote pykai iꞌewyte yt taꞌakasa hin i aikotã itag hap kape pykai e.

Ehewaure kaꞌa pote eweikuap to uiwyriaꞌin e Iesui tomohey haria pe.