Versete biblice populare din Kolossa 3

Împărtășește

Vedroacht eena dän aundren, un vejäft junt unjarenaunda, wan wäa eene Kloag jäajen dän aundren haft. Soo aus de Har junt vejäft haft, soo mott jie uk vejäwen.

Denkjt aun daut waut doa bowen es, un nich aun daut waut oppe Ieed es.

Aules waut jie doonen, daut doot von Hoaten jieren aus fa Gott, un nich fa Menschen.

Jie sent von Gott jewält un heilich, un hee es junt goot. Aus soone lot junt nu von Gott beschenkjen un trakjt junt Jesus siene Ieejenschoften aun: sikj von Hoaten erboarmen, frintlich sennen, deemootich, saunftmootich un jeduldich sennen.

Lot Christus sien Wuat rikjlich mank junt wonen. Belieet un halpt eena dän aundren en aule Weisheit. Sinjt von een dankboaret Hoat Psalmen un jeistliche Leeda, Gott to ieren. Un aules, waut jie sajen un doonen, doot en onsen Harn Jesus sienen Nomen. Derch am dankt Gott onsen Voda.

Un äwa aules siet leeftolich, soo daut aules to eene volkomne Eenichkjeit vebungen woat.

Wan jie nu met Christus vom Doot oppjestonen sent, dan sieekjt no daut, waut bowen es, wua Christus bie Gott aun de rajchte Sied setten deit.

Un lot Christus sien Fräd en june Hoaten rejieren. Gott haft junt doatoo jewält, sienen Fräd to haben aus Jläda aun eenen Kjarpa. Un siet dankboa.

Doawäajen moakt aules en junt doot waut von june sintliche Natua kjemt, de Huararie, Orreinichkjeit, sintelje Liedenschoften, beese Lost un Jiez. Jiez es krakjt soo aus Jetta deenen.

Jie sent jestorwen, un jun Läwen es met Christus en Gott vestoaken.

Oba nu lajcht soowaut uk aules auf: Sikj oajren, grollen, schlajcht sennen, spotten, niedatrajchtje un beleidjende Wieed ut jun Mul.

Doot nich unjarenaunda lieejen. Jie haben jun oolet ekj met siene beese Natua un Woakjen aufjelajcht. Un jie haben eene niee Natua aunjenomen, dee emma dolla no däm likjent, dee junt jemoakt haft.

Un jie Mana, siet june Frues goot, siet leeftolich un nich hoat to an.

Kjinja, jehorcht en aules june Elren; daut jefelt däm Harn.

Frues, siet june Mana unjadon, soo aus sikj daut em Harn jehieet.