Versete biblice populare din روما 3

Împărtășește

كولّو مدّن سكرن دّنوب، اگّوگن ف‑لمجد ن‑ربّي. والاينّي س‑رّحمت‑نس ا‑س‑اسن‑يفكا لباراكا‑ياد، ءيسكر سّلامت غ‑گراس ديدسن ف‑سّيبت لّماسيح ياسوع.

اشكو ربّي ار‑يسكار سّلامت غ‑گراس د‑ويلّي ءومنّين س‑ياسوع لماسيح. ار‑تّ‑ياكّا ءي‑كولّو وانّا يومنّ، اشكو بنادم يان ا‑يگا.

يوزن‑د لماسيح ا‑يمّت ءيفرو مدّن س‑يدامّن‑نس باش ا‑يصامح ءي‑وينّا سرس ءومنّين. غمكاد ا‑س‑يملا ربّي ءيزد س‑لحقّ ا‑س‑ا‑بدّا‑يسكار. غايد ءيزرين ءيصبر باهرا، ءور‑ا‑يتحكام ف‑دّنوب ن‑مدّن. ءيمّا غيلاد ءيملا مامنك ا‑يزّگا لحقّ، ءيفك سّلامت ءي‑وانّا يومنّ س‑ياسوع.

اشكو ءور‑يژضار يان ا‑يسكر سّلامت غ‑گراس د‑ربّي س‑يسكّيرن ن‑شّرع. والاينّي شّرع اد‑اغ‑يمالان ما‑يگان دّنوب.

غمكلّي ءيتياران غ‑وارّا ن‑ربّي: «ءور‑يلّي يان ءيفولكين، ءور‑يلّي يان ءيفهمن، ءور‑يلّي يان ءيسيگّيلن ربّي. فّوغن اغاراس كولّوتن، جلان. ءور‑يلّي يان ءيسكارن افولكي، ءور‑اكُّ‑يلّي يان.

نلمد ءيس‑يسكر ربّي سّلامت غ‑گراس د‑مدّن ف‑سّيبت لّيمان‑نسن، ءورد ف‑سّيبت ن‑يسكّيرن ن‑شّرع.

ءوهو، ءور‑ا‑يتفّوغ ربّي زغ‑واوال‑نس. ار‑بدّا‑يسكار س‑لحقّ واخّا دا‑كولّو‑سكارن مدّن س‑تكركاس. غمكلّي ءيتياران: «را‑يبان ءيس‑يُغژان‑واوال‑نّك، ژرن ءيمصراضن‑نّك ءيزد كيّي ا‑دار لحقّ.»