Versete biblice populare din Be ya a Roma 3

Împărtășește

Adia binbin mo be nobǝ è bwe ara ebgen, n kǝn be be e ben egǝ̀n mo Ehwya ra, tea be nobǝ nga ara ya esese chafya mo Ehwya a chu esese mbwe, gè bwe mò ena adi efka mo Yeso Kristi atan a gè fkenggwa je a bu mo ten-ekǝnm e bwa anga a chu ebgen a jè bwe ángá.

Je nga nobǝ esese chafya mo Ehwya a chu shwa eyim a je no ngge nó a chu Kristi ángá. Mò hon ena no ebi a chu binbin mo be nobǝ ya e tsǝ́ekǝ̀n anga, ge è ma no ara.

Ehwya è ti ye no abu mò etinom echa evǝa ge e kpwa e cha be nobǝ a chu ebgen mo be. Be ben egwanom ena anga a chu chaebi a chu ngǝ mbwe. Ehwya è bwe eno evǝa ge e tú jan ge cha ebgan sǝ́ ye nobǝ anga ra. Ekpe ekpe Ehwya è bon-ekǝ̀n nè difǝ be mò esera a be nobǝ è bwe anga. Tea asuswana, ge kpèn be nobǝ kǝ́n anga a chu ebgen mo be evǝa ge e tú jan ge cha ebgan sǝ́ ye nobǝ anga ra. Enò gaten, Ehwya tú chu ye jan a ge ga ya ebitete ngge ga ende e jan-gwa egwa egwa e tsǝ́ekǝ̀n no a chu Yeso ángá.

Adia ende akan a no a ti esese chafya mo Ehwya adia ge bwe mò a edon jan anga, fwa ye ra. Edon hon tú kpwà je abu je bgen no ángá.

Abu ge no ebam adi Afketa mo Ehwya jan, “Ende e bwe esese anga fwa ye ra, èé akan. Ende akan e no ya enggaton adi ebi anga fwa ye ra, ende e tkunda Ehwya anga fwa ye ra. Binbin mo be nobǝ twanga ara chashin mo be, binbin mo be nga ara mokukwa. Ende e bwe mò esese anga fwa ye ra, èé akan.”

Adia je jan anga jan, nobǝ nga bwi ya esese chafya mo Ehwya a chu ekǝ̀n a ge tsǝ́ no a chu ye anga kpwà ara, fwa ye adia ge bwe bwi mò a edon jan ge e bwe ángá ra.

É yé, ge fwa didi ye enò ra. Ehwya fe ye fwafe anga ra, bi adia binbin mo nobǝ a be ya fwafe. Abu ge no ebam adi Fwa mo Ehwya jan, “Atan a o jan fwa, egwa egwa e di jan mò a o jan anga, no ebi. Ano be nobǝ kpèn o kǝ́n, o de a vǝ́.”