Versete biblice populare din Roma 3

Împărtășește

Byu yug khang" moo" gi yooboo yoo" mo, za: nghoid wigi Mangsoo: khyoid' yu khyoo: mo ve: gang: lo" byug boem bye. Xangsu: byu yi ri yooboo mo loid' byoin loo: nhang: da" Khristu Yesu khyo" Mangsoo: gi ce: phoug" asang: da" jeju" jhung: shug khyo" wigi xangsu: byu yi ri deing byeung" mo ga: lhoem: kham: yu bye.

Mangso: da" shid' khoin" moo byu xang: su yi gi Khristu Yesu ri loem jeung" khyo" za: deingbyeing" khyoo: yo" lo. Byu gi Mangso: shid' khoin" moo Khristu ri loem jeing" mo, dangain" gi dayhang: ti" nghoid.

Khristu shid: kham: khyoo: khyo" xangsu: byu yi gi yooboo mo yo" loid' loo" wa shid' re" Mangsoo: gi hau Aseing ri gung leig xoin" gyeing" khyo" nyang: soin' phyed pyam' bye. Xangsu: byu yi gi Khristu ri loem" jeung" khyoo: khyo" youg noo yooboo mo yo" loid lo" boem bye. Mangsoo: gi Khristu ri gungleig xoin" gyeing" ga: soin: pyam' da" khyoo: gi nya: shid' khoin" moo xangsu: byu yi deingmain" daingbyeing" mo agyeing" khyo" khasu" koid' lhoem kham: yu da" khyoo: ri toin" shid' wa shid' re" nghoid. He pyaid he yo, ju" sho' Mangsoo: gi nheigloem: sheing: sheing: zeing: kham nyid lho: byu yi shoid' da" yooboo ri we' khyoid' pyam' byid. Nghoidloug we' akhid" da" pyaid ayo moo Mangsoo: gi nya: deingmain" khyoo: ri toin" shid' wa shid' re" xangsu: byu yi da yooboo ri xoem" too" bye. Mangsoo: gi nyang: nya: gung nyang: deingmain" su: nghoid da" khyoo: ri we' Aseing Yesu ri loem" jeung" loo mo dangain" ri deingbyeing" mo, nghoid ein: kham: yu wa da" khyoo: ri we' toin" shid.

Tarha" ri cang lo" khyo" - hang" we' Mangso: da" shid' khoin" moo deingbyeing" jang" moo ayo" ju. Tarha" gi - nyang: nyang: shoid' da" yooboo ri nyang: nyang: si wa shid' re" nghoid.

Jhoem: mungdang: moo tid zigi - Mangso shid' khoin" moo deingbyeing" su: dayug we' anyid. Deingmain" tarha" ri si su: we' anyid. Mangsoo: ri noku su: we' anyid. Byu dangain" mo gi Mangsoo: ri nung phug pyam' bye: - nyanu" dangain" mo, khyoo: vhang: byug boem bye. Ge da" moo" zei su anyid - dayug we' anyid.

Loem jeung" khyoo: khyo" za Mangso da shid' khoin" moo deingbyeing" khyoo: dayo" yu yoomo toung: to: da: tarha" mo ayo" yu da" khyoo: ngoonu" akhid" se boem bye.

Gyeing" ga: rigi houg: su" ayo" tid. Byu yug khang" moo" mhoug nghoid loug we' - Mangsoo: gi deingmain" wa zi nghoid. Jhoem: mungdang: moo- nang tid to" dang: gi deing byeung" loo wa. Tarha" dang: phyed nyid" ri nang za: oung: loo" wa.- ga: lhid" to" ziyo' dakhyoo" ti" nghoid.