Versete biblice populare din Ephesu 6

Împărtășește

Khasu" wim gari ngoonu" gi byu xang: su: yi yo' khaid zain: go" nyid zi anghoid- moug: khung: moug: laid' phyoo" moo nyid da" akhyeing" ashoeb da" yu gyiphung: moo" joem yo' we' he: coid no, thu: jo, da" apyaid' ri vhoeb khang" nyid da" coid doem: boo" doem: da" zoug: yi amyeing" akhang" ci: bang: yo" we' zain: go" nyid boem.

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

Yu wigi mo" da" age khyoo: dangain" ziri nanu" lhoem: oung: doid pyam baja"- Mangsoo nanu" ri byid: to" da" gyikhin" dangain" ziri yu void zhoung ci: loo: ge'.

Hougsu" nghoid nyid yoomo Mangso da" gyikhin' dangain" ziri akhed" nya: nyang: yu void: ci: loo: ge'- hougsu" lang" she' akhyeing" ashoeb ziyo' yau: khe" da" bidnyid ju" lo da" uri nanu" ri gyivoo joem khaid zain: said' lo ziri loem: yo" oung: pyam' wa zi nghoid- lo" thang moo ju" sho' bain' zain: pyam thang: ri we'-nanu" gi geing" geing: teing teing theung shang" yab, jo, boem ca" shi" wa.

Hau: tho' moo gootu: loem" jeung" ein: da" goo ri khanham we' vhoid ci: ge'. Khasu" wim gari nanu" gi hau: goo yo' akhyeing" ashoeb su" da" myi: myoo: dangain" ziri lhoem: yo" said' oung: pyam wa zi nghoid. Hau: lho: khyoid yu khyoo: ri sham: mug yhang: ti" yu zhoung" ci: lho: Venyi khyo" byid: to" da" Mangso mungdang: ein: da" lhab, sham: ri we' voin, ci: ge'.

Houg: yoomo nanu" da" phyid" doem: moo deingmain" khyoo: ri phyid" cu" su" cu" ci: lho: deing byeung" da" khyoo: ri re" da" yang gang nghoeb koid lho: wigi jen" jen" soin yab, jo, ge'. Ngei pyo: da" ngei bu: lu dang: kho" kyoo" wa shid re" jen" jen" nghoid nyid da" khyoo: ri re" da" khyid: moo khyid: baid' yhang: ti"- baid' ci: lho: theung" shang" yab, jo, loo: ge'.

Lo" thang jang" moo hau: Aseing: yo' dagung za: bue" khyo" wigi we' nya: da" myonhoo: phung" yoeb, yoem: vhoo" khyo" we' nanu" da" yoem: zeing so' zeing ri loung: yu nyid ge'.

Jhoem: mungdang: moo re" myhi, yo' re" phoo ri phau" myang: nyid we' ga: da" dang: gi Mangsoo tid to" da" xang: shid" mo amyeing" dang: nghoid. Hau: da" dang: soo" gi mougmyid tho' moo kang: sheing: myo, myi: lho: nyid gi nyid de zi shau" wa" ga: zi nghoid.

Zoo: shang yi we"- nanu" da" myhi, phoo yi da" dang: ri tam" gyo: nyid ge'- hougsu" koid khyoo: gi Khristain yi da" koid eung: moo" nghoid.