Versete biblice populare din Maheveru 4

Împărtășește

Inene diywi dya Nyambi dyaa yoya, karo dikoro. Ditwe kupita mwere o ku waa nokunoku. Dyaengena mu kaci ko mwoyo no mupepo, mu kaci ko manunga eshoko no mupopo. Dyaa nangura eanekera necikumbwethza yo mucima o munu.

Tu henyenenu kondume ku ngunja thza Nyambi thzo thsihemo, ci nga tu yuveriwe ñeke no ku wana thsihemo thso ku tu kwathsa mu thsikati thsekarupa.

Inene Mupurisita Shokuru wetu tumba nga a kwanga ku tu yuvera ñekeñeke mu kufaratera kwetu, inene wa tumauriwire mwitumaura yoihe omu tu pita, unone ka a tendire thsivi.

Kwithsa ku yumbiwa ethsi thsi na horekiwa kwa Nyambi. Enu yoihe pa mwanjanja i di, i na thsikuriwa pa meho enthzi, karo ku kwenthzi kodiyo twa ku ka citawera.

Mweyo, pakuninga ci tu di no Mupurisita Shokuru oyu naa thzini mu wiru, aye Yesu Mwana Nyambi, tu tanarithsenu eyi na tu tawa.

Mweyo, tu erekenu momuhe omu tu na twethsera ci twingene omo mu kuturumwithsa, ci kwa kwikara oyu wa ku kwanga ku kengenamo eci diya yekarire kowaya ekarire mu dikunguthsitu, awa kwangire kwingena mu kuturumwithsa mukaci ko kukana kwo ku yuvera Nyambi.