Versete biblice populare din Matè̌ 26

Împărtășește

Pô̤̌khô sî gǔ cû̌nṳ̌ gû̌ tǎ̤ dǒ ta̤tili̤tôlô̌ akû tǎ̤mǎ̤nu, sòklò dě kwicaba lô̌khô nî̌꤮. Sî sǎphlǒshû̌sho mî̌ca ta̤ dǒ atô bǎbǎkǎlè sî nǎ̤glǒnu a khû̌shiǎjǎ jî̌lî.”

Htodě a hî̌ asî kû̌, “He sǎplǎ̤ sikèhǒ, a sô̌sô̌cǎkû̌ he glè̌ si tè̤tè̤̌nu hǒ. Ô̌kè lô̌khô bǒo dě ô̌sòklò lô̌khô nî̌꤮.”

A cû̌ pô̤̌ dǒ alô̤mô̤̌ tîkî̌phû̌ dě a hǎmôô̌ tuglǔ dǒ hǎkhû̌ dě a kwicaba dě a hî̌ kû̌, “Ǒ pha na kè̌ phî̌ tephekè bǎ he ta̤jî̌ta̤jû̌ ashishǐbè hǒtôbǎ nî̌ kè̌ anǐ̤ hî̌dě phî̌tephekè bǎ he, bǎbǎkǎlè he sǎyṳ ma̤ jû̌꤮ tûû̌ he sǎphlǒ tô̤̌. Jû̌꤮ tûû̌ pwǎ na sǎphlǒ nî̌꤮.”

Shishǐbè mî̌ ta̤wṳ̂̌dò asa dǒ amè̤̌ hesǐ dǒ a gǔ sǐlò̤ dě a gǔ plûkè kòyò saprṳ̂ ata̤sǔ pě.

Bǎ asî ǎshǎ akhanu, Běcǎ Yeshǔ phî̌ mû̌ dě a hî̌bwǐhî̌sîrî Cǒmara, htodě a bephwǐǎ dě a ǐlò̤ dǒ akhôphijǎ tokhlǒ a cǔdekû, dě a hî̌ asî kû̌, “Phî̌ǎmò̌ lô̌khô, hǒomî̌ he nǎ̤glǒ hǒ.”

Htodě a phî̌htò̌ sîpî̌shiba dě a hî̌bwǐhî̌sîrî dě a ǐlò̤ tutṳ̌ dǒ akhôphijǎ tokhlǒ a ô̌ dě a hî̌ asî kû̌, “Ômò̌ lô̌khô hǒo.

Htodě a getîkhî sô̌ dǒ a khôphijǎ tokhlǒ a ô̌ dě a ge kè̌shǐ asî hǎmôô̌ shôpě̤ lǒ̤bò, dě a gwè̌ Khûpetarǔ kû̌, “Sî ô̌sòklò yî̤ kû̌ he bǎ tônarîpwǎ dě sî sòklò khòbò̌tô̤̌ ya?

He shôbǐǐ bǎ sî, sahtò̌ khònò̤̌ tǒ̤hè he ô bǎ pe sîpî̌shinu tô̤̌. He gǔ geô wô̤̌wô̤̌ sô̌ sîpî̌shi asa dǒ hepha ashiagǎkû pě.”

Hǒtaplǎdě Khûpetarǔ gènè̤htò̌ to̤ǐbǎ Běcǎ Yeshǔ hî̌nǎ lû̌û ata̤hî̌bǎ kû̌, “Bǎ shîpha û̌ htò̌ nò̌khôtô̤̌ akha, na gǔ htè̌bǐ kòyò kû̌ he sî̌ganǎ̤bǎnô̌ a tô̤̌ suplǎ pě,” Akhû̌akhî a hǎhtò̌cû̌ dǒ akhlo dě a cû̌ hǎsihǎô̌ kè.

Ihtǒmò̌ lô̌khô, dě pa bǎ cû̌, pwa̤ shaǎlò̤kè he nutôpwa̤ hètǒ̤hǒ.”

Běcǎ hî̌ lû̌û kû̌, “Wô̤̌nṳ̌wô̌ kè nanò̌shenu. Ma̤titèhî̌dě kòyò dǒ a pṳ̂̌ nò̌shenu a gǔ si kû̌ nò̌she pě.