Versete biblice populare din Mǒhtûlû̌hǎhtûsa 50

Împărtășește

Sî gènè̤ kû̌ sî ma̤jî̌ma̤jû̌ he bǎbǎ pô̤̌ sî kè̌shǐ khònò̤̌nu, pô̤̌khô kòyò saprṳ̂ ata̤htûpwa̤ glè̌ hǎplǎ ayanudě Cǒmaradû̌ ma̤tèplè̌kè dǒ awô̌ tôkhô hǒ.

Ma̤hî̌nudě Khûyṳ̂tǎ hî̌ tîkhîsô̌ asî kû̌, “Ǐshǔǐsha lô̌khô tǎ̤mǎ̤, he mî̌ Cǒmaradû̌ cǎ ya? He cî̌htò̌ sî mî̌ anǐ̤tô̤̌.

Pô̤̌nu akhû̌akhî, ǐsha lô̌khô tǎ̤mǎ̤ nî̌. He glè̌ dǐǎdǐô tû̌ sî kû̌ sîphû̌sîli̤ tokhlǒ pě.” Htodě a ǐkhû̌ǐǎ asî dě a hî̌bǎwô̌bǎ asî.

Dě Pha nohî̌ pa kû̌, ‘sî tôbǎ hî̌ Khûyṳ̂tǎ hî̌tè numî̌, khòsǎdô plûkè bǎpû napṳ̌nawè̤̌ tokhlǒ ata̤ma̤sǔma̤plě phû̌mò̤̌shǐhtô na nutokhlǒ kû̌ asîta̤sǔ nutokhlǒ nî̌,’ Pô̤̌nukhû̌khî, khònò̤̌dě khòsǎdô plûkè bǎpû napha a Cǒmaradû̌ apwa̤ma̤ta̤phû̌ tokhlǒ ata̤ma̤sǔma̤plě nutokhlǒ nî̌.” Bǎ Khûyṳ̂tǎ ganǎ̤de hto yô̤̌sǎ pô̤̌o akhanu a mǐ̤sǎshilò̤.

Htodě a hî̌ apṳ̌wè̤̌ tokhlǒ kû̌, “He ô̌htûpwa̤ yî̤ petô̤̌, Cǒmaradû̌ glè̌ hèlò̤ ma̤jè̌ mè̤̌mǐca sî pě dě a glè̌ kaǎhtò̌kè sî kû̌ gǎ bǒo tôgǎ dě a glè̌ sûge sî gǎ dǒ a olò̤ hto ayô̤̌ kû̌ PhaAbraha, PhaIsè̌, Phaya̤kò nutôgǎ pě.”

Htodě Khûyṳ̂tǎ no olò̤ Phaya̤kò aphû̌ tokhlǒ ta̤olò̤ tôcǒ, dě a hî̌ kû̌, “Cǒmaradû̌ glè̌ hèlò̤ ma̤jè̌ mè̤̌mǐca sî pě dě sî bǎ phî̌ge htò̌ǐ bò hekhwǐ tokhlǒ kû̌ sî pě nî̌.”

Phayṳ̂tǎ ně ô̌ tôya̤ kû̌ shǐ dě a sikè. Htodě pô̤̌khô Khûyṳ̂tǎ alṳ̌tṳ̂̌ gǔsogǔû tô̤̌ ayanu, kòyò bè̌nṳ̌ ta̤khû̌ta̤tǐ̤ dǒ anumû̌ nutokhlǒ dǒ alṳ̌tṳ̂̌kû, htodě kò bè̌nṳ̌kè lû̌û dǒ lṳ̌khû̌ bǎ Ijî̌gǎkûnu.