Versete biblice populare din Mupala'a 11

Împărtășește

Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”

Tami­tema so isivoxo no tuatuala la'iaxa'a ia vaimomo 'o la'ia noxine u'oki mo upala'asi. Xo tamitema loxo misoi­soli la voxosi'a so natilo­vosi'a no anu lakoti a muxali 'oe. Ia loxo tamitema so xaixai noxine e tapolopeti xe tamite­mameni u'isalili xe ane'i ta'ei imama'u mo ilu'ene'i noxine, loxo tamitema vitanisi o tatiatila, la voxo so nalosi'a lakolisou lailaixe a muxali kalumo. Ia noxi'a tami­tema so mamulo la nini namamu­lone'isi.”

Xe eni apalusi'a tamite­maxeli tamei so ilanu vaika­laxeli. La ilou isakinu lavalava so tama mo ixolu aso 1260 ne so ilanu vaikala so pela'asi.

Ioxe, ilou isoli xe iai voxo tatalu xe pa'usou ukalui, laso Mosinge utausou tauxu so mauli u'unalai noxi'a ilou. Sila ilou itulu mo imaulila. La ume toxoxu uxali noxi'a ane'i ane imaisi'a ilou.

La ilou ane'i xavine'i umomomo so no anu voxo loxo ilou ixoxolu ilanu vaikala so pela'a la itanuxu uali no loxotolo so usili uasi. Mo xavine'i so ixiunu lexalexa uxali sialusi. Mo loxo no voxovoxo aneva ilou imasaxau, la ixalixu tu'utu'umaxu masumasua noxi'a tatemanu lialia.

Ioxe, ilou ne ane'i a loxo ovu olivi tamei xe loxo lalamo tamei so utulu no laxunu Mosinge. Mosinge e anu mosou lialia. Xe loxo itema ena'ei utovonu so uve'a ilou la navu kaxu ula no anaxa'a ilou so u'elaxa'a tauluai'a. Laso ta'ei i'oxo lexe ive'a la me'a ixalisou soli no anu vote'i axone.