Versete biblice populare din मत्ती 10

Împărtășește

ईसू हर फेर कहीस “सुना, मंए तुमन ला बिगुवा मन कर मंझारे भेंड़ी कस भेजत हों, तेकर ले सांप कस चतुर अऊ परेंवा कस सीधा साधा बना।

जेहर अपन जीव ला बचाथे, ओहर अमर जिनगी ला गंवाही, अऊ जेहर मोर चलते अपन जीव ला गंवाथे, ओहर अमर जिनगी ला पाही।”

ओमन के झईन डरावा, जेमन देंह ला माएर दारथें, बकिन आत्मा ला मारे नई सकें। बल्कि ओके डरावा जेहर आत्मा अऊ देंह दुनो ला नरक में नास कएर सकथे।

अऊ जेहर अपन कुरूस ला उठाए के, मनेकि दुख सएह के मोर पाछू नई आवे, ओहर मोर चेला बने कर लाएक नईए।

जे कोनो मोके मईनसे मन कर आगू में अपनाए लेथे, ओके मंहू सरग में अपन दाऊ कर आगू में अपनाए लेहूं। बकिन जे कोनो मोके मईनसे मन कर आगू में इनकार करही, त ओके मंहू सरग में अपन दाऊ कर आगू में इन्कार करहूं।

बेमरिहा मन ला चंगा करीहा, मरल मईनसे मन ला जियईहा, कुड़गा कर रोगी मन ला सुध करीहा, दुस्टआत्मा मन ला निकालीहा। सेंथीया में तुमन के मिलीसे, एकर चाड़हे सेंथीया में देईहा।

एकरले तुमन झईन डरावा, तुमन तो ढेरेच गोरेलोच मन ले, परमेस्वर बर किमती हवा।”

ईसू हर फेर कहीस “ए झईन सोंचा कि मंए धरती में सांती देहे बर आए हों, मंए सांती देहे बर नहीं, बकिन एक दूसर ले बिरोध करे बर आए हों।