Versete biblice populare din Varoma 3

Împărtășește

Kholu vathu vatshavbo va ghohide, va hamugisa guralo wudhumo wa Nungungulu. Gambe, va sayedwe gululama khu wuhigo wa Nungungulu, khu gu ningwa khu Jesu Kristo, a va tshudego wugumbini nya gighoho.

gululama gutago khu ga Nungungulu khu gukhodwa ga Jesu Kristo, A gu tshanganisa naye watshavbo a khodwago, kholu gu mwalo guhambana vbakari nya vathu.

Nungungulu giride gukhuye khu gufa gwa Kristo, vathu vatshavbo va khodwago gwaye va mane gu tsetseledwa sighoho sawe. A gu yeyedza kharati wuwadi waye, kha nga matshigu ya gale a nga hunisela, a si tsayisi vathu khu kotani nya sighoho sawe. Olu, Nungungulu giride esi gasi gu yeyedza gukhuye lulamide khu gikhati gegi, gasi Uye a manega na lulamide, ni gu ninga gululama vale va khodwago ga Jesu.

Khu guralo, muthu lulamide mbeli gwa Nungungulu khu kotani nya gulandrise mithumo yi rumwago khu Nayo; kholu Nayo wa gu tulela muthu gu dziti gukhuye gighohi.

Kha nga gu lovidwego gupwani: “Mwalo muthu a lulamidego. Mwalo ni moyo basi. Mwalo muthu a gu ni mapimo nya yadi. Mwalo a vbwetago Nungungulu. Vatshavbo va digide ndzila nya lisine, vatshavbo va dzimede. Mwalo a girago nya sadi. Mwalo ni moyo basi.

Khu guralo, hi ngu tivisa gukhethu muthu a gu sayedwa gululama khu gukhodwa, nasiri khu mithumo ya Nayo.

Khandridzo. Kholu Nungungulu tumbegide gikhati gyatshavbo ambari ulo vathu va si tumbegigo. Kha nga yi ganelago Milowo, khiyo: “Gasi u manwa nu lulamide muguregerani gwago, ufela gu dugelela litshigu nya gulamudwe gwago.”