Versete biblice populare din O KORINTUS MAHINOTOKA 4

Împărtășește

Hababu ngomi duru miohiningaua o hali-o hali hamo mäke-mäke, mä duga-duga hamo mäke-mäkeua. Hamo mäke-mäke itäna duga-duga öraha mahuhutulu, mä hamäke-mäkeua gënanga ikakali kahiado-adonika.

Hababu gënanga ngomi mianganono itoakua. Ngaroka ngomi hamö mäke-mäke iholoi idogo itorou, mä hamomäke-mäkeua ngomi imihidadi mahungi o wange ihigetongo. Deʼ o huha hokokiaua nënanga, kiaka ngomi miamäo itedekanua aha mahasili ngomino o utumu moi kabiahaua deʼ ikakali. O utumu gënanga iholoi ikurutika ilamoko nako hohitotero de o huha gënanga mahirete.

Ngomi imi parangi hagala o ngïino, mä ngomi imihidobilatua. Ngomi mimahiörikokaua, mä hiädono mianganono itoakua. Ngomi mangangöe imihaturu, mä komaiwahi imimal̄aika o nyawa o diri mimatëngoka. Deʼ ngaroka mamoi-mamoi ngomi imigohara hiädono miruba, mä ngomi mihonengua.

Mä o rohani ma arata ihohailoa gënanga ngomi miao tongomi miadirioka ibobaragunaua nënanga yadodiai o tonakino. De hokogënanga inyata o mulia de o kuaha ikelenga ma Jou Madutuoka deʼ igoungua ngomioka.

O gikiri madorou yakokuaha o dunia nënanga yatamunu manga dibanga o nyawa yongaku-ngakua gënanga. Enanga yätätatoko önanga la önanga uha yamäke o Abari ma Oa ino madararono gënanga mangale o Kristus aimulia, marupa ma Jou Madutu aidulada.

Ma Jou Madutu wotemo, ”Kokiani o huhutu magoronaino ipuda o dararono,” ma Jou Madutu genangala wohipudaö o dararono gënanga tongone nanga hininga magoronaka, hupaya tongone nanga dibanga idadi tararono mangale homangarati ma Jou Madutu aimulia yatararono o Kristus aibionika.