Versete biblice populare din Colosenses 3

Împărtășește

Gulgüelazné de saat ne gulgaany perdóndeb bel xi runnédeb laat. Zec ni baany Xtadnɨ Jesucrist perdón laat ziyza gulgaany perdón bniety.

Quɨt gúntit xgab púrzi pur de cos ni nuu lo guɨchliu sino que mazru gulgaany xgab pur de cos ni nuu llayabaa.

Xitill ni gúntɨ gulgaanyni cun gan nalaazquɨt lo Cristiy cayuntɨ sirvɨ gati lo bɨnguɨchliu.

Ne Dios rcaazny laat pur ningui abcuabeeny laat par gactɨ xpɨnny. Ningui gulgá bniety, gulgac güen ne nadolaaz. Quɨt gactit naroo, gulgáp paciency saa bniettɨ.

Gulchané cuend de diidx xte Jesucrist, gulgacbezaac xi zeloni. Gul liuu ne gul lɨdx de saat zecpac ni riáld. Guldeed gracy Dios cun de alabanz, de salmo ne cun irateru de cant ni ná par Dios. Xitill ni gúntɨ ne ni iniit, nidonidoote gulchanelaaz Xtadnɨ Jesús ne pur laany guldeed gracy Xtadnɨ Dios.

Gulchané cuend dec guelrcaaz ná ni mazru sac. Ne guelrcaazqui ná ni racné par ibány bniety tubylo.

Pur ningui, belati anaptɨ guelnabány cuby cun Crist, gulgaany pur gulgaany xgab pur de cos ni nuu llayabaa rut rbez Jesucrist lad naldí xte Dios.

Gulsaan inabee Crist laat par gaptɨ guelnaldiulaaz te pur par ziy bcuabee Dios laat par gactɨ tubyzi pur Crist, ne guldeed gracyny pur ziy.

Anre gulsaan irate de mal ni nuu láani quiat. Gulsaan de gueldxab, de ni quɨt illiú, de mal xgab, ne de mal ni zéed gan gúntɨ ne ziyza guelrzebylaaz te pur guelrzebylaazqui ná zecac chi rto bniety tuby ni rlilodeb ná Dios.

Gulgaany xcuendtɨ dec agutytɨ par duld ax arbeznét Crist ne Crist rbezné Dios.

Per anre gulsaan irate de malqui zeclɨ guelnadxiich, guelrdxichnesaa, guelrun mal saani, ne gulsaanza guelrniyá ne guelruee de dichab.

Quɨtru güeetit dixú cun saat pur ni aquɨtru nabánytit zec ni gubánytɨ gulo chi baantɨ ni ná mal sino que an abchu xquel ni nabánytɨ. Anát zec tuby bniety cuby pur ni duudxga azelaa cayactɨ zec ni rcaaz Dios gactɨ, par yalo gumbezaactɨ Dios ni caguaad laat guelnabány.

Ne ziyza laat de nguiu, gulcaaz chialtɨ ne quɨtti guelgúntɨ tratdeb rnia.

Ziyza laat de bniiny, gulcuadiag irate xtiidx xtadtɨ ne xnantɨ te pur ziy rdxalaaz Dios.

Laat de gunaa ni abichná, gulcuadiag xtiidx chialtɨ te pur ziy riáld gún de ni reldilaaz Xtadnɨ Jesucrist.