Versete biblice populare din Romu 3

Ḅẹḅọ-ḅẹḅọ si mịẹ tẹ Tamụnọ iḅi ḅụ ḅele tẹ. Kụma Kịrayịsị Jizọsị ịn pakịrịḅọ ḅe anie Tamụnọ gotẹ ye ḍiki-a ḅara kẹ tomi mamgba ḍiki-ḅụụjịrị tẹ ịn kẹ karakara ḅụ wẹrị ye.

Jizọsị Kịrayịsị ḅụụ minini nyana anie Tamụnọ kẹ kịnị kẹ karakara ḅụ wẹrịarị. Kịrayịsị minini apụ mamgba Tamụnọ ọkọ mịẹ ịn pịrịarị, gbala-gbala ọ̀ kịrị pakama-a.

Kụma Tamụnọ ọ̀ kẹ tomina si sịkịrị sin ḅẹ agba mịẹm, anie ịn Kịrayịsị ḅụ nyana ḅẹ minini ḅụ. Ò gotẹ miemẹ mịẹ ye, kẹ ọ̀ karakara mịẹ mẹ ḍie-pakama ḅẹm, anie ò ye-inema la ḅara ḅụ ori elemu ịn mịẹ asi ma wẹrịso tẹ ye ẹrẹsị. Ò gotẹ miemẹ mịẹ ye, kẹ ọ̀ karakara mịẹ mẹ ḍie-pakama mị sakị mẹ ḅụ, mie ḅụ ọ̀ karakara mịẹḅọ sọ tẹ, ọ̀ pịkị Jizọsị ḅụụ minini nyana tomḅọ mẹ sọ kẹ karakara mịẹ ḅọ sọma tẹ.

Oloko mẹ koko ẹrẹsị Tamụnọ tọrọkọ karakara ḅẹ ḅọ ofori; Oloko mẹ bebe kọrịarị ye anie mịẹtẹ tomḅọ nimi mịnẹ mḅọ si mịẹ tẹ.

Fịafịa Ḍiri mẹ ḅẹẹm: “Karakara mịẹarị gbọrụḅọ-sọ ofori, gbọrụḅọ-sọ ye fieye naa-a, anịanịa sunsin Tamụnọ pịrịarị gbọrụḅọ-sọ ofori. Tomi mamgba Tamụnọ ḅụ mangị-so tẹ; inimgba etela-iri tẹ; kuraye mịẹarị ḅọ ofori, kpọkpọ gbọrụḅọ-sọ ofori.

Wa paa ḍukoarị, mịnẹ tomḅọ kẹ Tamụnọ ḅụ karakara ḅarịye minini, Oloko koko-a.

Gbala-gbala ọkọ sime ye ofori. Inweni-mgba iruo apụ sọ tẹ sọ, Tamụnọ rẹ ọ̀ ḅịḅị ḍima ḍima-a. Fịafịa Ḍiri mẹ ḅẹẹm, “Ị́ ẹkwẹn sakị tomi nimi ḅa ị́ karakaraye ḍukoarị; ini ị́ kọn sakị ị́ ḅẹrẹ-ḅaraiḅi nyana ḅa.”