Versete biblice populare din A̱filibiyawa 3

Nyin á̱niet khwi Yesu ba nang n chat a̱ni, a̱tsak a̱lyiat, n ka̱n tat gak hu bah. A̱wot kyang nyiung hwa nang n tyia̱ á̱ghyi ba a̱zanson: N bwung kyang ku ka̱n swak a̱ni. A̱wot n kwan ba̱t n tyia̱ á̱ghyi n tat gak hu ku shya̱ a̱zanson nung a̱ni, huhwa yet; n kwan wa ba̱t n gya a̱son n ka ntat gak hu, n ka shya̱ a̱gba̱ndang zang. Jija yet yorong hu nang A̱gwaza yorong nung tswazwa, mat Kristi Yesu a̱ni.

Kyang nang n chat n dyen swak a̱ni, huhwa yet; n dyen Kristi ma̱ a̱pyia̱ nggu ma̱ng chet nang gu ndoot ma̱ng swuan ma̱ á̱niet ba̱ ka̱n kwi a̱ni. N chat n dyen nggu; n bu mun a̱pyia̱ ma̱ng a̱nggu mami swuo a̱bung nggu hu; n bu ntai nggu di̱ si̱sak ji nang gu nkhwu a̱ni. Da̱nian ku di̱ ku li ni wa, n ka tai nggu n bu ndoot ma̱ng swuan ma̱ á̱niet ba̱ ka̱n kwi a̱ni!

A̱tsak a̱lyiat, n kyiak kuzang kyang nang n dyin a̱ni, ku yet a̱buk kyang wa; ka̱ n tyan nhu ma̱ng a̱gba̱ndang kpangti̱n nang n shya̱ di̱ lyen Yesu Kristi, A̱tyoli nung wu a̱ni. Da̱nian khwi Kristi hwa, nang n ji̱p kuzang kyang. N si̱ kyiak kuzang kyang nang a̱tong a̱ni, da̱nian n ka nkhwi Kristi mi̱ swat nung hu

N ku nfa di̱n jen a̱ja, n na shya̱ kpangti̱n di̱ nkyang nani. A̱wot ma̱ninika, n kyiak na na̱ yet á̱buk nkyang wa, mat nta̱m nang Kristi nyia̱ nung ndyo a̱ni.