Versete biblice populare din Matyu 25

“A̱wot nung A̱gwam wu, n na nwuak mba shim nyia̱, ‘N tak nyin a̱tsak a̱lyiat, jen nang nyi ku mbeang a̱tyu a̱ swak ma̱ng yet a̱da̱dei hu ma̱ á̱na̱nyiuk nung mba a̱ni, nung gwa nyi ku beang.’

“A̱tyoli wu si̱ nyia̱ ma̱ng a̱nggu, ‘A yet a̱tan ma̱ng a̱tsotswat a̱khwo, a nyia̱ shansham! A nyia̱ tsotswat di̱ nkyang ma̱ chunchwiit. Mat a̱nia, n na ntyia̱ ang nkyang ma̱ a̱di̱di̱t mbwak. Bai, a gwai dundung ma̱ng a̱nung!’

Mat, á̱niet ba̱ ba̱ng nkyang nang á̱ jong ba shansham a̱ni, á̱ na mbeang mba ndyo. A̱wot á̱ na mbeang mba ndyo gba̱mgbam! Da̱ a̱kwonu a̱kya, á̱niet ba̱ ba̱ng nkyang nang á̱ jong ba shansham a̱ni bah, ku a̱bankyang nang ba̱ byia̱ a̱ni, á̱ na ta̱wap ka, á̱ ghwon baa.

“Mat a̱nia, nyin á̱niet ba nyi fwuong kidee jini a̱ni meang, ku yet ta hwa nyi swan cham ma̱ng la̱p vam! Mat nyi lyen jen ku mam hu nang Nggwon A̱tyubishyi na mbwuok a̱ bai a̱ni bah.

Mat di̱n jen ji ji̱ swak a̱ni, ki̱ n fwuong zong, nyi ni̱ nang nung kyayak. Ki̱ n fwuong mashyi, nyi ni̱ nang nung a̱sa̱khwot. Ki̱ n bai a̱chi̱chen, nyi ni̱ san nung mbwak nfeang ma̱ a̱ka̱sa nyin na.

“A̱tyoli nggu wu si̱ nyia̱ ma̱ng a̱nggu, ‘A yet a̱tan ma̱ng a̱tsotswat a̱khwo wa, a nyia̱ shansham. A nyia̱ tsotswat di̱ nkyang ma̱ chunchwiit. Mat a̱nia, n na ntyia̱ ang nkyang ma̱ a̱di̱di̱t mbwak. Bai, a gwai dundung ma̱ng a̱nung!’

Ki̱ n chong ka̱gbang, nyi ni̱ nang nung a̱toot, n kup. Ki̱ n nyia̱ ma̱ng zwan, nyi ni̱ chok nung. Ki̱ n shya̱ di̱ nyim mi̱ jaru, nyi ni̱ bai byiat nung.’