A-pûn Awang 36
36
Eso É Awùt Ashín pé
1A-ô mâ é gi, Edom le gâ é Eso é awùt ashîn pê é hkyô nghut lhê. 2Eso gi, Hkanan mau mâ é myiwe wuì yu ri. Rayùq gi, Hiti byù Elon é yhang zo byìzo Ada nghut ri; rayùq gi, Hiwi byù Zibe-on é yhang shu, Ana é yhang zo byìzo Oholibama nghut ri. 3Hau htoq agó, yhang gi, Nebaiyut é yhâng nhammó, Ishima-elaq é yhang zo byìzo Basemat lé le yu ri.
4Ada gi, Eso lé, Elihpaza hkû byî ri; Basemat gi, Re-u-ela hkû byî ri; 5Oholibama gi, Ye-usha, Yalam eq Kora pé hkû byî ri. Shí bang gi, Eso é matú, Hkanan mau má hku é yhâng é yùqzô pé nghut akô.
6Eso gi, yhang myî pé, yhang zo yùqzo byìzô pé, yhâng yhûm má nyi é byù bànshoq bang, yhâng é shigu gaunyhaú pé, yhâng é gótû gaunyhaû pé bànshoq eq Hkanan mau má yhang wó ho yu é sùtzè bànshoq lé, shuî chûng kôn chûng yu chûng mù, yhang gu Yakup eq ra-tsuí wê gâng é maumyî má htòt e ló bê nghut ri. 7Hkâsu mù gâ le, yhángnhik é sùtzè lûm myo kô é yánmai, rahá a wó nyî kó nghut ri; yhángnhik nyi tô é maumyî le, yhángnhik é shigu gaunyhaú pê é matú a ngo nghut ri. 8Haû mù, Edom le gâ é Eso gi, Se-ira bum mau má nyi nyi ri.
9A-ô mâ é gi, Se-ira bum mau má nyi é Edom byu pê é yhâng wa Eso é a-myû koq pé nghut lhê. 10Eso é yhang zo yùqzô pê é myìng gi, Eso é yhûmsîng myhí Ada hku é yùqzo Elihpaza, Eso é yhûmsîng myhí Basemat hku é yùqzo Re-u-ela gâ ri. 11Elihpaza é yhang zo yùqzô pé gi, Teman, Omara, Zehpu, Gahtam eq Kenaza pé nghut akô. 12Eso é yhang zo yùqzo Elihpaza le, Timna gâ é myi-ngê wó ri; yhang le, Amalek gâ é yùqzo hkû byî ri. Shí bang gi, Eso é yhûmsîng myhí Ada é yhang shû pé nghut akô.
13Re-u-ela é yhang zo yùqzô pé gi, Nahat, Zera, Shama eq Miza pé nghut akô. Shí bang gi, Eso é yhûmsîng myhí Basemat é yhang shû pé nghut akô.
14Zibe-on é yhang shu, Ana é yhang zo byìzo, Eso é yhûmsîng myhí Oholibama mai Eso lé hkû byî é yhang zo yùqzô pé gi, Ye-usha, Yalam eq Kora pé nghut akô.
15A-ô mâ é gi, Eso é awùt ashín mâ é zau pé nghut lhê. Eso é zo-mún Elihpaza é yhang zo yùqzô pé gi, zau hpó Teman, zau hpó Omara, zau hpó Zehpu, zau hpó Kenaza, 16zau hpó Kora, zau hpó Gahtam eq zau hpó Amalek pé nghut akô. Shí bang gi, Edom má nyi é Elihpaza chyáng mai htoq lo é zau wuî nghut ri; yhángmòq gi, Ada é yhang shû pé nghut bum akô.
17Eso é yhang zo Re-u-ela é yhang zo yùqzô pé gi, zau hpó Nahat, zau hpó Zera, zau hpó Shama eq zau hpó Miza pé nghut akô. Shí bang gi, Edom má nyi é Re-u-ela mai htoq lo é zau wuî nghut ri; yhángmòq gi, Eso é yhûmsîng myhí Basemat é yhang shû pé nghut bum akô.
18Eso é yhûmsîng myhí Oholibama é yhang zo yùqzô pé gi, zau hpó Ye-usha, zau hpó Yalam eq zau hpó Kora pé nghut akô. Shí bang gi, Ana é yhang zo byìzo, Eso é yhûmsîng myhí Oholibama mai htoq lo é zau wuî nghut ri. 19Haú bang gi, Edom le gâ é Eso é yhang zo yùqzô pé nghut mù, yhángmòq é zau wuî nghut bum akô nghut ri.
20A-ô mâ é gi, haú mau má nyi é Hori byù Se-ira é yhang zo yùqzô pé nghut lhê. Lotan, Shobala, Zibe-on, Ana, 21Dishon, Ezera eq Dishan pé nghut akô. Edom má nyi é Se-ira é yhang zo yùqzô pé shí bang gi, Hori zau wuî nghut bum akô. 22Lotan é yhang zo yùqzô pé gi, Hori eq Homam nhiktâng nghut ri. Lotan é yhâng nhammó gi, Timna nghut ri.
23Shobala é yhang zo yùqzô pé gi, Alawan, Manahat, Ebala, Shehpu eq Onam pé nghut akô. 24Zibe-on é yhang zo yùqzô pé gi, Ai-a eq Ana nhiktâng nghut ri. Ana gi, yhâng wa Zibe-on é loze pé lé zúng nyi é hkûn, yòso má chu lâng myàng sû nghut ri. 25Ana é yhang zô pé gi, yùqzo Dishon eq byìzo Oholibama nhiktâng nghut ri. 26Dishon é yhang zo yùqzô pé gi, Hemdan, Eshiban, Yihtiran eq Hkeran pé nghut akô.
27Ezera é yhang zo yùqzô pé gi, Bilahan, Zawan eq Akan pé nghut akô.
28Dishan é yhang zo yùqzô pé gi, Uza eq Aran nhiktâng nghut akô.
29A-ô mâ é gi, Hori zau wuî nghut lhê. Zau hpó Lotan, zau hpó Shobala, zau hpó Zibe-on, zau hpó Ana, 30zau hpó Dishon, zau hpó Ezera eq zau hpó Dishan pé nghut akô. Haú bang gi, Se-ira mau má nyi é, yhángmòq é byù hpûng gam é má cháng luî, kut é Hori zau wuî nghut bum akô.
Edom Mau Mâ É Mau Ùp Hkóhkâm Pé
31A-ô mâ é gi, Isira-elaq byu pé lé hkóhkâm nghu é a ùp shi-má, Edom mau má ùp é hkóhkam pé nghut akô.
32Be-ori é yhang zo yùqzo Bela gi, Edom mâ é hkóhkâm dùt ri. Yhang zung é wà mó myìng gi, Din-haba gâ é nghut ri.
33Bela shi byùq é hkûn, Bozira wà mâ é Zera é yhang zo Yobap gi, yhâng é hkóhkâm hkô má zùng bê nghut ri.
34Yobap shi byùq é hkûn, Teman byu pê é mau mâ é Husham gi, yhâng é hkóhkâm hkô má zùng bê nghut ri.
35Husham shi byùq é hkûn, Moba mau mâ é Midi-an byu pé lé wó sat ung pyâm é, Bedat é yhang zo yùqzo Hadat gi, yhâng é hkóhkâm hkô má zùng bê nghut ri. Yhâng é wà mó myìng lé gi, Awit gâ ri.
36Hadat shi byùq é hkûn, Masireka jowò mâ é Samla gi, yhâng é hkóhkâm hkô má zùng bê nghut ri.
37Samla shi byùq é hkûn, wuìlàng yàm mâ é, Rehobot jowò mâ é Sha-ula gi, yhâng é hkóhkâm hkô má zùng bê nghut ri.
38Sha-ula shi byùq é hkûn, Akbora é yhang zo yùqzo Balaq Hanan gi, yhâng é hkóhkâm hkô má zùng bê nghut ri.
39Akbora é yhang zo yùqzo Balaq Hanan shi byùq é hkûn, Hadat gi, yhâng é hkóhkâm hkô má zùng bê nghut ri. Yhâng é wà mó myìng lé gi, Pa-u gâ ri; yhâng é yhûmsîng myhî é myìng gi, Mehetabela gâ ri; myiwe haû gi, Mezahap é byìzo Matireda é yhang zo nghut ri.
40A-ô mâ é gi, yhángmòq é a-myû koq má cháng luî le, maumyî má cháng luî le, myìng du htau luî kâ tô é, Eso mai htoq lo é zaú wui é myìng nghut lhê.
Haú bang gi, zau hpó Timna, zau hpó Alawa, zau hpó Yehtet 41zau hpó Oholibama, zau hpó Ela, zau hpó Pinon, 42zau hpó Kenaza, zau hpó Teman, zau hpó Mibizara, 43zau hpó Magidi-ela, zau hpó Iram pé nghut akô. Haú bang gi, yhángmòq sing yu é maumyî má, yhángmòq nyi é jowò má cháng luî, kut é Edom zau wuî nghut akô.
Edom byu pê é îchyí îwa gi, Eso nghut ri.
Obecnie wybrane:
A-pûn Awang 36: znot
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2025, Wycliffe Bible Translators, Inc.
